محمد علي رزق بعد أزمة رامز أمير: “ليه الناس شايفة الممثل مش بيصلي وبيختم المصحف!”
علق الفنان محمد علي رزق على الانتقادات الموجهة، للفنان رامز أمير بسبب الحركات الاستر اعضية التي أداها، على السجادة الحمراء، أثناء فعاليات مهرجان الجونة السينمائي، بدورته الرابعة.
وكتب محمد علي رزق، عبر حسابه الشخصي بموقع التواصل الاجتماعي “فيس بوك”، وقال: “رامز أمير كاتب إنه فخور بنفسه علشان هو أول ممثل مصري عربي يوصل لمستوي عالي في الباركور، فده كان رد واحد عنده، بعيدا عن إنها إجابة ملهاش علاقة باللي مكتوب”.
وأضاف: “بس ليه في الناس شايفة الممثل ده مش بيصلي وبيقرأ قرآن وبيختم المصحف عادي زي كل خلق الله، وبيغلط زي كل خلق الله برضه”.
وكان نشر رامز أمير صورة له عبر “فيس بوك”، وهو يؤدي إحدى تلك الحركات على السجادة الحمراء بختام الجونة السينمائي، ونشر صورة له مقارنًا نفسه بالفنان العالمي فان دام وهو يؤدي الحركات ذاتها.
وعلق على الصورة قائلًا: “الصورة دي هي ردي الوحيد على كل اللى مش عاجبه اللى أنا عملته بفضل الله وحداه فخور إنى أول ممثل مصري عربي يوصل للمستوى ده في الباركور والتايكوند”.
وتابع أمير: “وبعد تعب سنين محدش يعرف عنه حاجة، و هفضل مكمل واجتهد أكتر عشان أقدملكم أكشن متعملش في الوطن العربي قبل كده، ربنا يقدرني وأرفع رأس الجمهور اللي في ضهري، ربنا يخليكم ليا يا أجمل جمهور.. لكل مجتهد نصيب”.
رامز أمير يشبه حركاته في الجونة السينمائي بالعالمي فاندام: “هفضل مكمل”
رامز أمير ردًّا على منتقديه: “فخور إني قدمت حاجة متعملتش قبل كده في أي مهرجان” (صورة)
