عضو الأهلي يهاجم مرتضي وآل الشيخ: “فيروس عجوز وعيل مستجد من الخارج” (صور)

هاجم محمد سراج عضو مجلس إدارة النادي الأهلي، مرتضي منصور رئيس نادي الزمالك، وتركي آل الشيخ رئيس هيئة الترفيه السعودية مالك نادي بيراميدز السابقط مالك نادي ألميريا الحالي.

وقال سراج:”في فيروس عجوز موجود من زمان في قطاع الرياضة، وفي فيروس تاني عيل مستجد من الخارج، الفيروسات دي بتنشر الفتن”.

مشجع: اعتذرت لمرتضى منصور بعد تهديده لأسرتي وتدخل تركي.. وعضو الأهلي: “ولا يسوي حاجة” (القصة الكاملة)

وكتب سراج عبر حسابه الرسمي فيس بوك: “بعيد عن الكورونا ربنا يحفظنا ويسلمنا منها جميعاً في فيروس عجوز موجود من زمان في قطاع الرياضة في مصر وفي فيروس تاني عيل لسه مستجد من الخارج الفيروسات دي بتنشر فتن وقرف ومشاكل طول الوقت في الرياضة وبين الناس وبين بعض وبين أكبر جمهورين في مصر”.

وتابع سراج:”اللي أنا واحد مرضاش بأحداث أي نوع من أنواع الفتنة بينهم بأي شكل من الأشكال إحنا في النهاية ولاد بلد واحدة نختلف اه نهزر مع بعض اه لكن تطاول وأذى ده منبوذ ومرفوض بالنسبالي من الجانبيين، المشكلة أن الفيروسات دي مختلفة عن الكورونا في حاجة وهي أن لها علاج بس العلاج لازم يجي من الدولة”.

وأكمل:”ويكون جذري الدولة اللي أنا بحترمها وبقدرها عشان محدش يزايد عليا أنا ابن مؤتمر الشباب ودايماً بكون فخور بده وظهوري الأول هناك في 2016 وعرضي لأفكاري كان دفعة ونقلة ليا في أمور تانية كتير مؤتمر شباب مصر اللي كله طموح وتفاؤل وفكر ونقاء مش أجواء عشوائية وفتن وبلطجة تعوق الواحد عن أهدافه وطموحه الحقيقي لرفعة بلده وناديه المفضل اتمني يكون في مستمع لأن فاض الكيل اللهم بلغت اللهم فاشهد”.

بعيد عن الكورونا ربنا يحفظنا ويسلمنا منها جميعاً في فيروس عجوز موجود من زمان في قطاع الرياضة في مصر وفي فيروس تاني عيل…

Gepostet von Mohamed Zakaria Serageldin am Freitag, 29. Mai 2020