أحمد حسن وزينب يفتتحان مطعمًا: “أجمل يوم في حياتنا” (صورة)
أعلن اليوتيوبر أحمد حسن عن افتتاحه مطعمًا جديدًا يحمل اسم “Aileen’s “، وذلك يوم الخميس القادم الموافق 15 فبراير في تمام الساعة 3 عصرًا بالمعادى.
وجاء ذلك بعد قرار الإفراج عنهما، في قضية استغلال طفلتهما والمتاجرة بها من خلال استخدامها في الفيديوهات بهدف الربح.
ونشر أحمد حسن صورة جمعته بزوجته وخلفهم المطعم، وذلك عبر حسابه الشخصي على موقع تبادل الصور والفيديوهات القصيرة “انستجرام”، وكتب قائلًا :”بعد بكرة الخميس أجمل يوم فى حياتنا عشان أخيرًا حققنا حلمنا و هنفتح مطعم “Aileen’s” يارب يكون فتحت خير علينا وبما أنكوا عيلتنا التانيه لازم تشركونا فرحتنا و تكونوا موجودين فى افتتاح مطعمنا الساعه 3 العصر يوم الخميس الجاى”.
وتابع :” اوعدكوا أنكوا هتاكلوا أحلى فرايد تشيكن في مصر وأنا وزينب وكتير من المشاهير اللى بتحبوهم هنكون موجودين يوم الخميس من الساعه 3 العصر إلى الساعة 10 بليل هنستناكوا، لأن اليوم ده هنخربها تصوير صور وفيدوهات سوا ده غير فى مفاجات كتير هتفرحوا بيها وهتعرفوها لما تيجوا”.
في أول ظهور لـ”أحمد حسن وزينب” بعد أزمتهما: “إحنا ميسورين الحال من قبل الشهرة” (فيديو)
وأضاف :”مستنى وقفتكم جنبنا وتشرفونا يأحلى ناس في الدنيا عشان اليوم مش هيكمل غير بيكم ، وفي قرارات قررناها حابب اعرفهالكوا قررنا زى مهنتاجر على أرض الواقع نتاجر كمان مع ربنا فقررنا أننا نخرج 2 جنيه مع كل أوردر يخرج من المحل أول جنيه هيخرج للفقراء والمحتاجين واليتامه والمرضى وتانى جنيه هيخرج لصندوق تحيا مصر دعما مننا لبلدنا الحبيبه مصر والقرار ده سارى طول ماحنا عايشين على وش الدنيا أن شاء الله”.
وأردف :” كل الناس لازم تشرفنى يوم الافتتاح هننبسط اوى بوجودكم جنبنا في اليوم ده وعايزين يوم الافتتاح ده نقلب المعادى كلها ونولعها، واخيرا كل شخص جاي مينساش يجيب معاه كمامته، واللي مش هيجيب احنا هنجبلوا وهنستنا على باب المحل وندهالوه”.
واختتم :” عنوان المطعم شارع 9 في ثكنات المعادى بجوار قهوه خير زمان ومترو ثكنات المعادى مطعم “Aileen’s”، أسهل طريقة ممكن تيجوا بيها للمطعم تركبوا مترو وتنزلوا محطه ثكنات المعادى وهتخرج من الباب اللي في اتجاه شارع 9 وأول متخرجوا من المترو هتلاقوا المطعم على نفس الصف بتاع المترو بعد50 مترو الاتجاه اليمين جنب قهوه قمر الزمان..مستنينكوا عشان نخربها سوا يوم الخميس الساعه3 العصر هنولعها”.
وفي وقت سابق، غادر اليوتيوبر أحمد حسن وزوجته زينب، قسم شرطة البساتين، منذ أيام، وذلك بعد إخلاء سبيلهما في اتهامهما بترويع طفلتهما حيث أوضح الاستعلام الأمني قبل خروجها، أن المتهمَيْن ليسا مطلوبَيْن على ذمة قضايا أخرى.
كانت النيابة العامة قد استكملت استجواب المتهمين، اللذين أبديا خلال الاستجواب تعهدهما بحسن رعاية ابنتهما وندمهما على ما ارتكباه في حقها، وعدم تكرارهما هذا الفعل مستقبلًا، طالبين إخلاء سبيلهما لصغر سن ابنتهما المجني عليها وولايتهما عليها.
بالحجاب والجلباب.. أول ظهور لأحمد حسن وزينب بعد الإفراج عنهما (صور)
