ضحية تحرش ميت غمر تنهار على الهواء: "مسكوا كل حتة في جسمي وماعرفتش أقاومهم"
قالت "بسنت" ضحية تحرش ميت غمر، إنها تبلغ من العمر 23 عامًا وفي عامها الدراسي الثالث جامعيًّا وأنها في أثناء سيرها في شارع بورسعيد بمدينة ميت غمر مساء الخميس الماضي تعرضت للتحرش من قبل مجموعة من الشباب.
وأضافت خلال مداخلة هاتفية مع الإعلامية لميس الحديدي، مقدمة برنامج "كلمة أخيرة"، الذي يعرض عبر شاشة "أون": "7 تحرشوا بيا عملوا عليا دائرة ومسكوا كل حتة في جسمي وماعرفتش أقاومهم وحد من الناس روحني وتاني يوم عملت المحضر اتشجعت لما الناس دعمتني والأمن ساندني والنيابة شجعتني وأنا بشكرهم".
وواصلت: "بس أنا دلوقتي خايفة أروح البلد بيهددوني بالقتل وإلقاء مياه النار على وجهي بيراقبوني في كل مكان تحت بيتي وعارفين كل تحركاتي والمحامي بتاعهم عمل فيديو "لايف" وطعن في شرفي وحدد مكاني اللي كنت فيه وده دليل أنهم بيراقبوني".
وأكملت: "عاملين حملة تشوية في شرفي على الفيس بوك وعاملين هاشتاج وأنا دلوقتي بطالب بالحماية التهديدات وصلتني من أكونتات شخصية لرجال أعمال وأنا لوحدي ومش قادرة عليهم.. وهددوا صاحب العمارة اللي بيقطن فيها أهلي وهيخرجوا من البيت بسببي وعاوزين يلفقوا لإخواتي قضايا".
وأتمت: "يرضيكوا أتنازل عن حقي؟ لترد الإعلامية لميس الحديدي قائلة: "إوعي تتنازلي عن حقك اإوعي مافيهوش كلام"، وردت قائلة: "أنا خايفة اتحبس من حملة التشوية وأرجوكم ااضمنولي الأمان".
