عباس أبوالحسن: "الطبيب المتحرش يمتلك ثروة جبارة ومتورط معه شخصيات وكيانات تشتري الذمم"
قال الفنان عباس أبوالحسن إن الطبيب باسم سمير، المتهم بالتحرش بالرجال والمحبوس على ذمة التحقيقات، يمتلك ثروة هائلة من الممكن أن يشتري بها الذمم.
وقال عبر حسابه الخاص بموقع التواصل الاجتماعي "فيس بوك": "نحن لا نطمئن ولا نهدأ حتى نكون استنفذنا كل ما بوسعنا ولا بد دائما من افتراض وتوقع الأسوأ، بجدد طلبي إلى كل واحد حصل له موقف تحرش مع المجرم المتهم المعترف د. باسم سمير بالتقدم بشهادته مش مهم امتى ولو من 20 سنة".
محامي الطبيب المتحرش لعمرو أديب: "إزاي يتحرش والعيادة فيها 20 واحد"
وتابع: "متعتمدوش بس على شهاداتنا وأدلتنا المقدمة، إظهار حجم وعدد وسنين اعتداءاته داخل وخارج عياداته هو السبيل المؤكد لتغليظ عقوبته من قبل القضاء".
وأضاف "الراجل دة تعبان ومجرم معتاد أصيل وعنده ثروة جبارة وربما متورط معاه شخصيات أو كيانات هتدافع عنه بكل الطرق يقدر يفبرك ورق، ويشتري ذمم، ويضرب شهادات طبية، يعمل أي حاجة لأنه في دفاع مستميت عن حياته".
ووجه رسالة إلى الضحايا الذين لم يجرأوا على تقدم بلاغ ضد طبيب الأسنان المتحرش قائلاً: "لازم نضم شهادة اي منكم لملف القضية الاصلي من غير متخرج من بيتكم ولا محتاج حتي محامي ومش هتاخد مجهود ٥ دقايق، مافيش اسماء خرجت من داخل النيابة وقانون سرية ضحايا التحرش مفعل تماما، والدليل علي كدة ان الشاهد الاساسي اللي قدم الدليل المادي والشهادات الدامغة محدش يعرف اسمه ولا هيعرف اسمه".
وواصل: "أنا وتميم اختارنا نعلم ونفضح علي الملأ لاننا مؤثرين بحكم كوننا شخصيات عامة لتوليد الضغط الكافي والمستمر فده كان لصالح القضية، انا مقدم فوق الـ100 شهادة مًوثقة طلبت ان النيابة متطلبهمش للسؤال واستخدام الشهادات دي فقط لبيان حجم الدمار اللي الحيوان دة عمله علي مدي 35 سنة، لو مش عايز تسأل أمام القضاء دة حقك القانوني وتقدر تنص علي دة".
عباس أبو الحسن للنيابة: "الطبيب المتحرش قالي إنت لسة مش عايز.. ده أنا بتمناك" (مستندات)
