"شوبير" عن أحمد مجاهد: "قالوا لفرعون ايه فرعنك قال ملقتش حد يلمني"
كشف الإعلامي أحمد شوبير، مفاجأة بشأن أحمد مجاهد رئيس اللجنة الثلاثية المكلفة بإدارة اتحاد الكرة، مؤكدًا أن شخصًا واحدًا هو من يدير اتحاد الكرة.
وقال "شوبير" خلال برنامجه الإذاعي، "أحمد مجاهد قال للشركة الإسبانية المسئولة عن الفار مش هدفعلكم فلوس، مضيفًا الشركة الإسبانية عاوزه 100 ألف يورو، واللجنة الثلاثية قالت لهم عندنا ملاحظات، وبعدين قالوا هنلغي الفار، وهنجيب الأندية ولو قالت لا ميتلغيش يدفعوا فلوسه".
وأضاف: "عملنا اجتماع وأنا في اتحاد الكرة، وكان هاني أبوريدة رئيس اتحاد الكرة، وشارك في الاجتماع 18 ناديًا وقالوا كلهم عاوزين الفار، وانا اقترحت إن الأندية تدفع جزءا والاتحاد جزءا لكن هاني أبوريدة وقال لا دول 18 مليون بس واحنا اللي هندفع ومعانا فلوس، مضيفًا، "الاقتراح اللي اقترحته قبل كده بيتعمل دلوقتي لا إله إلا الله".
وتابع "شوبير"، "الناس اللي في اللجنة قالت مش دي الأجهزة اللي احنا اتفقنا عليها، ولو الأندية مدفعتش الفلوس هنلغي الفار، مضيفًا :"هي اللجنة دي جايه تلغي أي حاجة عملها الاتحاد اللي فات، متسائلًا: "المفروض تلغي التقنية ولا تطورها؟".
وواصل: " قالوا لفرعون ايه فرعنك قال ملقتش حد يلمني.. هتقولي فيفا هتقولي بيفا هتقولي توتو.. لا يمكن السكوت على ما يحدث في اتحاد الكرة، إذا كانت المناصب لخدمات بعض الأفراد يبقى عليه العوض".
وأتم "شوبير" موجها رسالة لأحمد مجاهد:" لو اتكلمت هتلاقي المثلثات اشتغلت والجبر والتفاضل".
اتحاد الكرة يناقش أزمة عقد شركة الملابس
اتحاد الكرة يجتمع مع الأندية لحسم موقف الـ VAR
