سلمى الشيمي: “بعتذر للي اتضايقوا من السيشن.. ومقصدتش أعمل حاجة إثارية”
تقارير وتحقيقات
قالت سلمى الشيمي، موديل “سيشن سقارة”، الذي أثار جدلًا واسعًا، إن النيابة أمرت بإخلاء سبيلها بكفالة، والقضية لازالت مفتوحة أمام جهات التحقيق.
وأضافت خلال مداخلة عبر برنامج “التاسعة”، إن إعلامية تنمرت بها بسبب جسمها، متابعةً: “أنا من بيت كبير وعائلة ليها اسمها واتعرض عليا حاجات كتير للشهرة ومكانتش مناسبة ليا”.
سلمى الشيمي: “فكرت في الانتحار من الدور 12 لما شفت سيارات جايه تقبض عليا”
تابعت: “ماما قعدت يومين القبض عليا بدون أكل.. أنا والله مكنتش أقصد ومحصلش حاجة لكل ده.. أنا دفعت 1500 جنيه لحد علشان التصوير وده خطأ”.
واختتمت: “أنا اتصورت بدافع شخصي مش الترويج لنفسي ولا قصدت أعمل حاجة إثارية.. أنا اللبس اللي اتصورت بيه شارياه من جيبي.. أنا بعتذر للي اتضايقوا من السيشن”.
