أشرف عبد الباقي: “اشتغلت صبي في ورشة والدي للحدادة.. وكان أجري ربع جنيه يوميًا” (فيديو)

حل الفنان أشرف عبد الباقي، ضيفًا على برنامج “السيرة” مع الإعلامية وفاء الكيلاني، وتحدث عن طفولته ومتى بدأ تعلم مهنة الحدادة مع والده، حتى دخوله الجامعة.

وقال “عبد الباقي”: “كان والدي بيوصلني للعمال وكانوا بيعلموني طول الوقت، واتعلمت من العمال كتير جدًا، بدأت اشتغل من 12 سنة، وكنت بنزل في تاني أيام الإجازة، أول حاجة الإيدين بتبدي تتبهدل وبعدين تنشف، وعلى الدراسة تطرى تاني، كانت ورشة حدادة كريتال للشبابيك، بس انتهت دلوقت، كلمة الأسطى دي كانت حاجة حلوة جدًا، وبعدها كان بيتقالي يا بشمهندس”.

واستكمل: “إخواتي رفضوا ينزلوا الورشة عشان العيلة كانت ميسورة الحال، ولكن أخويا الأكبر مني لما اتخرج مسك الحسابات في الورشة وأنا شغال، أنا بدأت أنزل لما أبويا تعب شوية وقعد شوية في البيت، أمي قالتله طب ما تنزل الولاد مكانك شوية، وكنت باخد ربع جنيه، أول ما تميت 18 سنة اشتريت عربية”.

أشرف عبد الباقي يطالب الرئيس السيسي بعودة صناعة السينما خلال افتتاح “القاهرة السينمائي”

أشرف عبد الباقي لوفاء الكيلاني: “عملت أفلام وحشة جدًا”