إحدى معجبات عزيز الشافعي بعد أزمته مع رامي صبري: "بلاش الخلاف يخسركو بعض".. والملحن يرد: "المفروض نرفع قضية"
رد الملحن عزيز الشافعي على إحدى المتابعات، والتي طالبته بتهدئة الأمور بينهم وبين رامي صبري، والشاعر تامر حسين، خاصة بعد أزمتهم الأخيرة، واتهام "صبري" لـ"الشافعي" و"حسين" بخيانة الأمانة للمرة الثانية، وبيعه للنجم عمرو دياب، أغنية كانا يعملان على طرحها سويًا.
كتبت المتابعة لعزيز الشافعي في التعليقات عبر حسابه الشخصي بموقع التواصل الاجتماعي "فيس بوك"، وقالت: "والله أنتم كبرتوا الموضوع أوي يا عزيز، وتامر حسين عمل موضوع من مفيش، كان ممكن تروح تقعد مع رامي وتحلو الموضوع بشكل أهدى وأحسن من كده، بينكم كتير حلو أوي، ابقو عليه وارجعو ليه حتى لو في خلاف، ومعلش تامر حسين بيخلق مشكلة من مافيش بين رامي وعمرو دياب، الموضوع أبسط من إنه يوصل للشكل ده، رامي فنان مميز جدا وأنت عارف كدة يا عزيز، فبلاش الخلاف يخسركو بعض، وارجعوا من تاني وحد فيكم يتعامل بشكل عاقل وهادي".
ورد عزيز الشافعي عليها وقال: "يعني أنتي لو حد شغال معاك، نزل بوست يقول عليكي أنتي حرامية بالكدب والافترا والعالم كله يشوفه، هيبقى الرد ايه ؟؟ وتامر عمل الواجب وحق ربنا، إنه يدافع عن صاحبه وعن نفسه كمان، لإنه اتهمه هو كمان بالنصب، ده المفروض نرفع قضية مش نرد بس".
رامي صبري يتهم عزيز الشافعي بخيانة الأمانة للمرة الثانية بعد بيعه أغنية خاصة به للهضبة (بيان)
عزيز الشافعي ردًا على رامي صبري: "شكرًا لاستجابته وأنا من طلب وقف التعامل أولًا"
