تامر أمين: "عمرو دياب جزء كبير من شهرة دينا الشربيني.. وكسبت كتير من وراه"
حذّر الإعلامي تامر أمين، الفنانة دينا الشربيني، من التحدث عن الهضبة عمرو دياب، في اللقاءات التليفزيونية أو غيرها، وذلك بعد انفصالهما مؤخرًا.
وقال أمين خلال فقرة ببرنامجه آخر النهار: "بقولك يا دينا متتكلميش على العلاقة مع عمرو مرة تانية، ولو هتتكلمي يبقى تتكلمي عن إنه نجم، ميصحش يخرج الكلام ده من زوجة بعد الانفصال وخاصة لو مع عمرو دياب اللي مبيغلطش في حد".
واستكمل: "في السنين اللي فاتت حاول ناس كتير يتطاولوا على عمرو ولكن عمره ما رد عليه، الناس بتتطاول عليه فيرد بمزيد من النجاح، محدش ينكر أن جزء كبير من شهرتها خلال السنين اللي فاتت جوازها من عمرو دياب، هي كسبت كتير من وراه باقتران اسمها باسمه حتى".
يذكر أن الفنانة دينا الشربيني، قد سبق وكشفت رأيها في الزواج بشكل عام، وأن مشاكل الزواج تحدث لأننا نتعامل معه كنهاية للعلاقة لا كبداية لها.
وقالت الشربيني خلال حلقة تجمع بينها وبين الفنان عمرو يوسف في برنامج "بصراحة" عبر قناة "mbc": "للأسف إحنا بناخد فكرة الجواز أنها نهاية العلاقة مش بداية العلاقة، ده مش حقيقي، المفروض أن بيكون فيه فترة تعارف ووقتها الاتنين مش بيكونوا على طبيعتهم، كل واحد بيحاول يجذب اللي قدامه ويطلع مثالي عشان الاتنين يتبسطوا مع بعض، تقول مثلا عايزة سلطة ولا عصير وفجأة يلاقيها بتضرب أي حاجة في التلاجة".
دينا الشربيني: "مشاكل الزواج بتحصل لما بنشوف بعض على حقيقتنا"
دينا الشربيني: "بخاف من الزمن وإني أفقد حد بحبه"
