"جبتوا العار لمصر".. هجوم على "حمو بيكا" بعد إشادته بنفسه

تعرض مغني المهرجانات حمو بيكا لانتقادات وهجوم من قِبل جمهوره، بسبب تصريحاته بأنه أعطى أملًا لجيل كامل من الشباب، معبرًا عن فخره بما وصل له الآن من نجاحات في حياته.

ونشر بيكا صورة له، عبر صفحته الرسمية بموقع التواصل الاجتماعي "فيس بوك"، معلقًا عليها: "أنا أكتر شاب بفضل الله عطيت الأمل لجيل كامل"، ليفاجأ بهجوم شديد عليه من جمهوره، بسبب هذا التصريح الذي أثار غضبهم.

وجاءت التعليقات كالتالي: "خايف الصورة الجاية تكتب أنا اللي فتحت الأندلس"، "علمت الأطفال وعلمت بعض الشباب البوظان.. حسبي الله ونعمة الوكيل فيك"

ومنها: "حصل لما واحد يشتغل 16 سنة تعليم ويطلع يتوظف بـ2000 جنيه، وأنتو بالهلس تجيبوا عربيات وملايين يبقى فعلًا عطيتنا الأمل"، "أنتو جبتو العار لمصر وللشباب"، "حقيقي أنت أكتر مثال عرفتنا أن التعليم ملوش لازمة".

وسبق رد بيكا على الانتقادات التي توجه له على مواقع التواصل الاجتماعي، وذلك عقب نشره صور للسيارات الجديدة التي اشتراها، أو أي شيء عن حياته الخاصة.

وذكر خلال ندوته بـ"القاهرة 24": "مش كل ما أنزل صورة واحد يقول أنا أتعلمت وأهلي صرفوا عليا وركنت الشهادة، يا عم أنا مش زيك أنا متعلمتش ولكن أنا راجل شقيت من صغري وبدأت أشتغل وأكافح لحد ما وصلت للي أنا فيه".

وأضاف: "أنا بشتغل وبجيب عربيات من عرق جبيني ومبانمش عشان الشغل وبطبق باليومين.. فكرك إن احنا بنبقى قاعدين والفلوس بتترمى علينا لأ أنت غلطان.. لو جيت اشتغلت معانا يوم واحد هتكره حياتك، لا إحنا بنشتغل وبيبقى علينا مديونات وبنام وبنقول يارب هنسد إللي علينا إزاي".

مطرب المهرجانات حمو بيكا

حمو بيكا: "بجيب العربيات من عرق جبيني ومبانمش..كنت تباع وجزار شوفوا دلوقت بقيت فين"

عمر كمال عن حمو بيكا: "زويل الجيل"