أحمد فهمي: "شيكابالا هو اللي شتمني الأول وكنت بهزر لما قولت محدش هيفتكر الجول بتاعه"
كشف الفنان أحمد فهمي، تفاصيل خلافاته مع شيكابالا لاعب نادي الزمالك، والتي تصدرت "تريند" مواقع التواصل الاجتماعي خلال الفترة الماضية.
وقال "فهمي" خلال لقاءه مع الإعلامية سمر يسري ببرنامج يوم ليك، المذاع على قناة "الحياة": "أه كان في صداقة وعيش وملح، والموضوع خلاص اتقفل، أنا قولت الجول بتاع شيكابالا محدش هيفتكره قولت كده هزار، والخلافات اتجددت تاني بعد ماتش نهائي إفريقيا، وأنا لما كتبت كتبت على الأكونت البرايفت بتاعي، مقدرش أقول مين اللي غلطان".
وتابع: "ومبعتبرش شيكابالا أحد أسباب التعصب، والخلافات بسبب أني كتبت بوست ووصله فزعل مني واتعاتبنا في الفرح، وأنا قولت إني غلطت أني مكلمتوش من زمان ومينفعش أصرح بأي حاجة بيني وبين صاحبه، عتابي عليه أنه حد أيقونة وله جمهور كبير عند نادي الزمالك الموضوع مات وأحسن حاجة أننا منفتحش فيه".
واختتم: "أنا اللي غلطت الأول شخصياَ .. ولكن هو شتمني لما اتقابلنا وطبعًا مينفعش يشتمني أنا عمري ما شتمته".
