"درجة الحرارة كانت 5".. محمد سلامة يكشف كواليس تصوير مشهد الفيضان في "موسى"
كشف المخرج محمد سلامة كواليس تصوير مشهد الفيضان، الذي عرض اليوم في الحلقة السابعة من مسلسل "موسى" بطولة الفنان محمد رمضان، على شاشة “Dmc”.
وكتب سلامة على حسابه الشخصي بـ"فيس بوك": "الصراحة في نجوم كتير ورا الفيضان ده وتنفيذه من حقهم الناس تعرفهم، ويتصقف لهم اشتغلوا في ظروف صعبة جدا علشان ينفذوا المشهد ده.. المشهد ده اتصور في الشتاء في درجة حرارة 5، السادة العاملين وراء الكاميرا والممثلين الثانويين الحقيقة كل الناس عملت مجهود جبار".
وتابع: "المشهد ده بيتم تحضيره من شهر 9 مش عارف أتكلم عن تعب الديكور اللي بنوا جزء من القرية، ولا رجال الاكسسوار اللي مطلعوش من المياه، ولا مساعدين المخرج اللي من أول يوم في الماية من بداية اليوم لنهايته، ولا ميخا ورجالة التصوير، ولا رجالة الإضاءة ولا الملابس ولا الإنتاج اللي اتبهدل، ولا عصام الوريث ورجالته اللي متشعبطين في الهواء بالخراطيم والباقي في الماء مع المواتير والناس، ولا محمد رمضان وتارا عماد، أكتر اتنين كانوا في المياه، في درجة حرارة صعبة".
واختتم: "شكرا لعلام على كل حاجة.. شكرا مصطفى الغزولي على التعب والمجهود، شكرا ناصر عبد الرحمن شكرا حسام شوقي على تصديقك فيا، شكرا تامر مرسى على كل الدعم خايف أكون نسيت حد أنا فخور بالشغل معكم واحد واحد".
مسلسل "موسى" بطولة الفنان محمد رمضان، وسمية الخشاب، وهبة مجدي، ورياض الخولي، ومفيد عاشور، وصبري فواز، ومنذر رياحنة، وفريدة سيف النصر، ومن تأليف ناصر عبد الرحمن، وإخراج محمد سلامة.
