"عيش بالسلف ومعاشرة بشذوذ".. اعترافات سيدة قتلت زوجها ومثلت بجثته في إمبابة
بعد أن نجحت أجهزة الأمن بالجيزة في العثور على الرأس المفصولة لجثة رجل تم العثور عليها بشارع الاعتماد في منطقة إمبابة، أدلت المتهمة بارتكاب الجريمة وتدعى "أم نادر" بتفاصيل جريمتها، وأقرت بارتكابها بعد أن ضاق بها الحال ولم تجد حلا لزوجها المجني عليه سوى الانتقام منه.
انهارت في البكاء، وأمام فريق التحقيق قالت المتهمة: "مش بيهتم بأي حاجه في حياته غير المزاج والبرشام ومضيع كل مرتبه اللي بياخده من الفندق على المنشطات الجنسية.. كان شغال فني تبريد في فندق بالتجمع الخامس وكل ليلة يرجع من الشغل يشتري منشطات ويقولي يلا بينا.. لدرجة إن مفيش لقمة عيش في البيت بس أولوياته يكون فيه برشام".
تبكي وتشهق المتهمة وبين اعتراف وآخر تردد: "عيالي ملهمش ذنب وماكنوش موجودين.. أنا اللي قتلته.. كنت هقطع عضوه الأول بعد ما شرب المخدرات ونام ولما حسيت إنه هيحس بيا قتلته.. شريط العذاب والمرار اللي شربته مر قدامي في دقايق.. فصلت رأسه عن جسمه عشان أرميها بعيد في الزبالة ومحدش يتعرف عليه.. كنت عايزه أهرب بعيالي وأربيهم بعيد عنه".
تكمل المتهمة: "شوفنا العذاب معاه لسنين "العيش بالسلف والجبنة بالدين وبعنا التلاجة والتلفزيون والسراير وبننام على الأرض وكله عشان مزاجه والبرشام والمنشطات.. مش عايز يعمل أي حاجه في حياته غير إنه يشتري برشام ويمارس معايا العلاقة وياريت كده وبس.. بيجبرني ويمارس معايا الشذوذ على طول.. قرفت منه وعياله كرهوه وكل يوم يشكولي منه وابنه الكبير كان هيهرب من البيت أكتر من مرة".
تصمت برهة وتعود باكية: "ده جبروته وصل إنه العيال يشتروا هدوم من الشغل اللي بيشتغلوه عشان يصرفوا على نفسهم.. نادر في معهد فني صحي وشغال وأخوه زيه شغال وكلهم كويسين وأنا خفت عليهم منه ومن عذابه.. أذاني وأذى عياله.. وما كنتش شايفه أي حل غير إني انتقم منه واقطع عضوه الذكري لكن الشيطان طور تفكيري وأنا ماسكة السكينة وخلاني أدبحه.. أيوه دبحته.. عشان عيالي ميطفشوش.. عشان عيالي يعيشوا زي باقي الناس.. بس العيال ملهمش أي ذنب.. هو السبب وهو اللي دفعني أعمل كده".
وعثرت الأجهزة الأمنية بالجيزة، أمس، على رأس الرجل المفصولة من الجثة العارية التي تم العثور عليها، بمقلب القمامة الرئيسي بمنطقة شبرامنت.
وكشفت تحريات أجهزة الأمن واعترافات المتهمة بقتل زوجها تفاصيل الجريمة البشعة، حيث أقرت المتهمة أمام فريق البحث المكلف بكشف غموض الواقعة، أنها ارتكبت جريمتها بمفردها مساء الأربعاء، بأن استغلت وجود أبنائها الأربعة في العمل، وقامت بقتل زوجها بدافع تعذيبها وكثرة التعدي عليها وممارسة الشذوذ معها.
وعن سبب ارتكاب الجريمة، حاولت المتهمة تبريرها، بأن ما دفعها لارتكابها هو إفراط زوجها الجنسي، تحت تأثير المنشطات الجنسية، وطلبه ممارسات شاذة بشكل متكرر، والتعدي عليها، وتعذيبها أثناء العلاقة بشكل مقزز، بحسب اعترافاتها.
وعثرت الأجهزة الأمنية بالجيزة فجر الأربعاء الماضي، على جثة لشاب مقطوعة الرأس في إمبابة، تم إخطار اللواء رجب عبدالعال مساعد وزير الداخلية لقطاع أمن الجيزة، وأمر بتحرير محضر بالواقعة وتولت النيابة التحقيقات.
في البداية، تلقى اللواء محمد عبد التواب، مدير الإدارة العامة لمباحث الجيزة، إخطارًا من العميد عمرو طلعت رئيس مباحث قطاع الشمال، يفيد بالعثور على جثة شاب مقطوع الرأس بمنطقة إمبابة، وعلى الفور تم التحرك الفوري وكشف غموض الجريمة واتخاذ الإجراءات القانونية.
