أحمد الإبياري يكشف سبب إلغاء سمير غانم "الكمبوشة" في مسرحياته
كشف الكاتب والمنتج أحمد الإبياري، سر إلغاء الفنان الراحل سمير غانم “الكمبوشة” من أعماله المسرحية، مشيرًا إلى أنه أراد أن يكون البديل لها هو مجرد تذكير الملقن له قبل العرض بالنص المسرحي في الغرفة بالكواليس، واعتماد الممثل على ذاكرته.
وقال أحمد الإبياري خلال لقائه في حلقة خاصة عن الراحل سمير غانم ببرنامج “كلمة أخيرة” الذي تقدمه الإعلامية لميس الحديدي عبر شاشة قناة “cbc”: “في مراحل أخرى من أعمال لاحقة بدأ يقولي سمير غانم مش عاوز كمبوشة بقى دمها تقيل.. سألته نعمل إيه يا أستاذ؟ قالي خلي الملقن يجيلي الأوضة ويقرأ الراوية وأقعد أسمعه.. وبعد كده ربنا يفتح عليا”.
وتابع الإبياري: "وبدأنا نعمل ده لمدة عشر أيام في أي عمل حيث يجلس الملقن ويقرأ لمدة عشر أيام ويستمع له.. لأنه كان بيقولي الكمبوشة قديمة ولازم نتطور".
وأضاف: "أي فنان ممكن يجي المسرح قبل العرض بساعتين لكن سمير غانم كان مختلف مكنش بيدخل خشبة المسرح إلا بعد رفع الستار ولو جه بدري يفضل قاعد في عربيته، وكان بيقولي سمير أنا باجي البروفة بلاقي الباب مفتوح والستارة مفتوحة ومافيش حد في الصالة ببقى مضايق عشان مافيش جمهور ومش عايز أحس إنها بروفة، عاوز أجي ألاقي الإضاءة والستارة مرفوعة والناس قاعدة عشان أدخل على طول أضحك الناس".
