مرتبي 250 جنيه من 10 سنين.. عاملة تستغيث من وقف زيادة المرتب بمدرسة في كفر الشيخ
استغاثت مواطنه تدعى هدى محمد تبلغ من العمر 35عاما من عدم صرف زيادة المرتب منذ أكثر من سنه ونصف حيث تعمل بمدرسه تابعه لمركز ومدينه الحامول بمحافظه كفر الشيخ، وجاء قرار التعيين من قبل هيئة التنظيم والإدارة على الدرجة السادسة منذ أكتوبر لسنه 2019 وبعد ذلك تم صرف فروق الراتب من يوليو شهر 2019 حتى شهر ديسمبر 2019 على أمل الزيادة.
وأضافت في تصريح خاص لقاهرة 24 أنها بدأت براتب 250 جنية ثم بدأ في الزيادة حتى وصل لـ 1000 جنيه شهريًا، حيث أن الإدارة التعليمية بالحامول لم تقدم لهم أي حل لمشكله وقف الزيادة في الرواتب منذ شهر يناير الماضي حتى هذه الساعه، ولم يتم صرف زيادة المرتب منذ أكثر من سنه ونصف لافته إلى أن صرف الرواتب كل شهرين ويصل إلى أربعة شهور أحيانًا.
وأوضحت إنها تعمل منذ عام 2011 حتى الآن دون جديد، وضاق بها الحال معلقه :«اقسم بالله حاسة انى هنتحر من كتر الهم حرام اللي إحنا فيه كل لما أروح الإدارة يقولو أصل انتو لسه على الصناديق ولسه مجاش ليكم فلوس، لما يجلكم فلوس هنقبضكم، وأنا عندي خمس عيال اجبلهم منين احتياجاتهم كل يوم 3 منهم فى المدارس اجيب لبس مدارسهم منين أجيب كوتشيات منين، أجيب هدوم شتوي منين، أقسم بالله ببكئ كل يوم على حالي، وصلت للاختناق معتش متحمله وصلت أنى كل يوم بفكر في الانتحار».
وتابعت : «معتش عارفه أتصرف أزاي دانا اتدينت لطوب الأرض، عليا فلوس لصيدليه عليا فلوس لمحل الهدوم ومش عارفه ممكن يكون حلها ايه، بس أنا تعبت من كل حاجه اعمل إيه أوصل لمين، معتش عارفه أتصرف ازاى».
واكملت:«كل يوم تحصل مشكله فى بيتى بسبب المصاريف، والشهر اللى بقبضه بسدد بيه عل قدر المستطاع،والاسم قدام الناس راحه فين رايحه الشغل جايه منين جايه من الشغل، احنا محتاجين يجبولنا فروقنا اللى بقالها اكتر من سنه ونص مخدنهاش».
واستطرد ت:« أحنا عايزين نقبض كل شهر زى بقيت الموظفين، كل الموظفين بتقبض كل شهر الا احنا، علشان عمال نتهان في وسط الناس، وكل شهر ندعى ربنا القبض ينزل مع المرتبات، ونقول هينزل قريب ومفيش جديد، فاضل اسبوع على المدارس وعيالى ولا جالها لبس ولا جالها جزم ولا اى حاجه».
واكملت:«قلنا يقبضونا مع المرتبات كل المرتبات نزلت ماعدا العمال، من سنين على دا الحال، وأجيب لخمس عيال منين،والله كل شهر بوعد عيالي بحاجات بيطلوبها وأقولهم لما أقبض هجبهاكم ومجبهاش علشان مفيش قبض أصلا».
وأضافت:«بيت مكون من7 أفراد محتاج مصاريف وزوجي موظف وبعد أن يتقاضى راتبه يقوم بتسديدة في الديون ولم تتبقى مع أموال، وكل شهر يقبض مرتبه نسدد بيه ديون مكنش بتبقى منه فلوس خالص».
وتابعت: «كان عندنا اوضه فتحنا باب لها على الشارع وعملناها دكان وجاب القرض فتحنا دكان بقاله صغير، ويبقى من مرتبه 1000جنيه بيقبضه يحطه فى المحل يجيب البضاعة الناقصة في المحل».
واستغاثت السيدة بوزير التربية والتعليم ووكيل وزارة التعليم بكفر الشيخ وكل الأجهزة المعنية بمساعدتها وصرف راتبها بشكل شهري مع إضافة الزيادة حتى تستطيع أن توفر مستلزمات أولادها.
