شاب بلا مأوى في الدقهلية يستغيث بالمسؤولين لتوفير وظيفة ومسكن له: نفسي حتي في تروسيكل أعيش بيه
مأساة حقيقة يعيشها شاب من أبناء دور الرعاية بمدينة المنصورة في محافظة الدقهلية، حيث يعيش في الشارع منذ أكثر من 7 أعوام، وسط الملابس القديمة التي يبعها ويأمل الشاب في الحصول على مأوي أو عمل دام يضمن له حياة كريمة.
قال محمد جودة عبد الصمد " أنا يتيم عشت طوال حياتي داخل مؤسسة البنين بمنطقة الجلاء بمدينة المنصورة في محافظة الدقهلية، وبعد إتمام السن القانوني، المسؤولين عن المؤسسة طلبوا بخروجي من المكان، وخرجت من المؤسسة، واشتغلت كسايس جراج، وكنت أقيم في منزل سيدة مسنة لمدة عامين وبعد وفاتها أصبح مليش حد ".
وأضاف " وبعد فترة داخلت السجن في قضية، ولما خرجت أصبح مليش أي مسكن أو مأوي وعايش في الشارع منذ نحو 7 سنين، أنا حاليًا بشتغل في بيع الملابس القديمة والحمد الله ربنا بيرزقني ب 50 أو 60 جنيه في اليوم، ولكن مش في المقدرة إني أستأجر مسكن ليه خاصة إني مريض وعندي عجز في أيدي الاثنين وإصابات في رجلي".
وتابع " كل دور الأيتام الـ في مصر بتوفر عيشة كريمة للبنات بعد إتمام السن القانوني، ولكن إحنا كشباب مفيش أي حاجة بتتوفر لينا، أحنا يتمة وبرده ملناش حد".
وختم " أنا بطلب من الدكتور أيمن مختار محافظة الدقهلية، وجميع المسؤولين بتوفير مسكن أو حتي تروسيكل أكل منه عيش وحتي أعيش فيه، والنظر إلينا نظرة رحمة".
