إلهام شاهين تكشف مصير الجزء الثاني من يا دنيا يا غرامي
أكت الفنانة إلهام شاهين، أنه بالفعل تم التحضير للجزء الثاني من فيلم يا دنيا يا غرامي، وسيكون بعنوان قلبي بيحبك يا دنيا، موضحة أن سبب التأخير هو وجود عرقلة إنتاجية على حد قولها، مشيرة أنه من الصعب على المنتج أن ينتج عمل لثلاث نجمات بسبب التكلفة المادية وعلو أجورهن، كما وعدت الجمهور أنه إذا خرج العمل للنور سيكون أجمل من يا دنيا يا غرامي.
وكشفت الفنانة هالة صدقي، كواليس تعاونهما في فيلم يا دنيا يا غرامي قائلة: يا دنيا يا غرامي، اتعرض عليا وكنت كارهة أعمله وقتها لأن الفترة دي كنت أنا وإلهام شاهين وليلى علوى بنطلع علطول سوا، وأنا مش حابة موضوع التلاتات فاعتذرت، وبعد ما جت ممثلة بدلا مني كانت معترضة على ظهور رجليها من الجلابية، فراحت إلهام وليلى كلموني وأقنعوني عشان نكون احنا التلاتة سوا.
وتابعت إلهام شاهين خلال حلقة برنامج سهرانين، المذاعة عبر قناة ON، وقدمها الفنان أمير كرارة: قصة فيلم يا دنيا يا غرامي كانت معتمدة على 3 أصدقاء أنا وهالة صدقي وليلى علوي أصدقاء بجد والفيلم هيطلع حقيقي وينجح، ولم يكن عندنا أي مشكلة في وضع الأسماء على التتر وكل حاجة متظبطة، ومكنش عندنا العقد دي ولا في دماغنا، لأننا احنا أكتر جيل اشتغلنا بطولات جماعية.
وأضافت هالة صدقي: كلنا أخدنا في فيلم يا دنيا يا غرامي نص أجر عشان حابين نشتغل الفيلم سوا، وده كان أول فيلم للمخرج مجدي أحمد علي، وكان من أحلى الأفلام اللي عملها في مشواره الفني الكبير.
