بهاء الدين محمد لـ نجيب ساويرس: الفن مش هيصة.. وأنت فاهم بس عنيد
وجه الشاعر الغنائي بهاء الدين محمد، رسالة لرجل الأعمال نجيب ساويرس، بشأن رفضه وقف مطربي المهرجانات، ومنهم حمو بيكا وحسن شاكوش.
وكتب بهاء الدين محمد في منشور عبر حسابه الرسمي بموقع التواصل الاجتماعي فيس بوك: أستاذ نجيب ساويرس، هكلمك بلغتك، أنت عارف لما أقولك المبنى ده حلو قوي، وتقولي بخبرتك ده مخالف لمواصفات السلامة، وأنا أقولك بس عاجبني ودي حرية وأنت حاقد عليه علشان الناس بتتفرج عليه
وتقولي غلط.. أقولك ده اختيار.
وتابع بهاء الدين محمد: شوف ساعتها هتحس قد إيه بالخطر.. اوعى تشوف الفن تسليه أو هيصة لأنك فاهم بس عنيد، والأغنية ملهاش قانون يحكمها، ولكن الأخلاق لها قانون اللي هي رقابة المصنفات.
بهاء الدين محمد يوجه رسالة لـ نجيب ساويرس
واستكمل: ولكن اللي يسقط في اختبار النقابة مش من حقه يغني من خلال القنوات الشرعية، ودي قضية مش مهمة ومش هيشوفها ويفهمها إلا الفنان المتوافق عليه، ولكن الجماهير في النهاية بتختار بذوقها ومزاجها، فن أو غير فن.
وحدثت في الفترة الأخيرة، مشادات كلامية بين نجيب ساويرس وهاني شاكر نقيب المهن الموسيقية، بعد إصدار الأخير قرارًا بوقف عدد كبير من مؤدي المهرجانات.
