مرتضى منصور: مش جايين نصفي حسابات.. وقدمت شنطتين يثبتوا براءة المجلس
تحدث مرتضى منصور رئيس نادي الزمالك، عن كواليس الفترة الماضية، التي سبقت عودة مجلس الإدارة مجددًا لمنصبه، قبل الدعوة لانتخابات جديدة في النادي، موضحًا أنه تقدم للنائب العام بما يثبت براءة مجلسه.
وقال مرتضى منصور خلال فيديو نشره عبر صفحته الرسمية: إحنا يهمنا بكرا، بكرا أهم من النهارده وامبارح، وبشكر هاني المصري عضو النادي، عشان استلم النادي من إمبارح، وبيصلح حمامات السباحة والبوابات اللي بايظة.
وأضاف رئيس الزمالك: هنجتمع كمجلس إدارة وهناخد قرارات وهنقولها، وبشكر جمعيتي العمومية الصابرة، الدولة فيها مؤسسات والقضاء من المؤسسات التي تعبر عن الدولة، وبشكر كل الناس دي لإن الحق رجع لصحابه.
وواصل مرتضى منصور: النهاية كان في بعض الحاجات الغلط واصلة، وفي ناس ضللت وكتبوا تقارير في وزارة الشباب إن عندنا مخالفات، وبطمن الناس لو مجلس الإدارة عنده مخالفة واحدة النائب العام بيحول القضية في 24 ساعة.
واختتم مرتضى منصور تصريحاته: قدمت للنائب العام مذكرتين بإسمي، وكان معاهم شنطتين يثبتوا براءة المجلس، وثقتنا في ربنا وأعضاء الجمعية العمومية والدولة المصرية متهزتش، واحنا في دولة تحترم القانون، ومش جايين نصفي حسابات مع حد، وجايين نرجع الحقوق لصحابها.
