ويجز لمنتقدي أغنية كيفي كدة: أنا فكرت أغدي النونة.. ومحدش يدخل بيني وبينها
أوضح مطرب الراب ويجز موقفه من الانتقادات التي طالته مؤخرا بسبب كلمات أغنيته الآخيرة كيفي كدة، والتي طرحها على طريقة الفيديو كليب.
وقال ويجز في استوري حسابه الشخصي بموقع الصور والفيديوهات القصيرة انستجرام: بشكر الناس اللي شجعتني وعجبتها الأغنية، وحابب اتكلم عن الناس اللي انفعلت عليا بسبب جملة باجي وفي إيدي الرضعة عشان أغدي النونة.
وتابع ويجز: أنا شخص طول عمري صريح مع نفسي، ولما بضايق بعمل تراكات عن الحاجات اللي مضيقاني، وكيفي كدة هي أغنية فريش وبتتكلم عن الجزء المرح في حياتي وشخصيتي.
وانفعل على منتقديه قائلا: أنتم محدش فيكم فكر في النونة دي، ومحدش فيكم فكر يغدي النونة، غير كدة ده بيني وبين النونة محدش يدخل ما بينا، وأنا مش حاسسها حاجة تضايق أي حد، لو أنت مفكرتش فيها، أنا فكرت أغدي النونة.
تفاصيل انضمام ويجز لنقابة المهن الموسيقية
وعلى جانب أخر، أعلن المايسترو حمادة أبو اليزيد، أحد أعضاء مجلس إدارة نقابة المهن الموسيقية، انضمام مطرب الراب ويجز للنقابة، وذلك خلال صالون ثقافي بقصر السينما أقيم أمس بحضور هاني شاكر.
وقال حمادة أبو اليزيد خلال الصالون: ويجز خضع لامتحانات النقابة من أسبوع أو 10 أيام واجتاز الامتحان ضمن شعبة الراب، ومضى إقرارًا بالالتزام بالمظهر وانتقاء الكلمات.
