إقامته انتهت.. تفاصيل احتجاز حمو بيكا في مطار دبي لساعات طويلة |خاص
احتجزت السلطات في مطار دبي، مؤدي المهرجانات الشعبية حمو بيكا، لساعات طويلة أمس الجمعة، بعد وصوله من السعودية، لإحياء بعض الحفلات في الإمارات.
وكشف حمو بيكا تفاصيل احتجازه في مطار دبي، قائلًا في تصريح خاص لـ القاهرة 24، إن مدة إقامتي في دبي كانت قد انتهت، خاصة أنني لم أتردد عليها منذ فترة طويلة، ولذلك تم احتجازي في المطار، حتى تفهمت السلطات للوضع وانتهاء بعض الإجراءات الخاصة بدخولي دبي، وبالفعل تم إنهاء الأزمة.
إيقاف حمو بيكا
وسبق، وأصدرت نقابة المهن الموسيقية بيانًا، أعلنت من خلاله إيقاف بعض مطربي المهرجانات الشعبية، لحين تقنين أوضاعهم وأوراقهم، وكان أبرزهم: حمو بيكا، حسن شاكوش، حمو طيخة، الزعيم، مجدي شطة، عنبة، مسلم، وغيرهم.
وقال حمو بيكا اعتراضًا على قرار الموسيقيين بإيقافه، من خلال بث مباشر على حسابه الشخصي بـ انستجرام: مصر بتاعت كل مصري مش أم كلثوم وعبد الحليم بس، أي حد يحمل هوية مصرية فهي بلده، ليه نغني برا مصر، هي اتعملت ليكم أنتم بس، العصر بتاعكم عدى وفات، وفي التقييم بتاع اليوتيوب احنا مكتسحين، مفيش غير تامر حسني وعمرو دياب وحماقي والباقي كله مهرجانات.
وأشار حمو بيكا: بدل ما أنتم قاعدين تعملوا ندوات وخاربين الدنيا، سيبوا الناس تشتغل، ما احنا قعدنا 3 سنين أيام كورونا مكنش فيها شغل وقعدنا في بيوتنا، سيبونا ناكل عيش، ربنا اللي بيرحم ولازم يا عبد أنت كمان ترحم، في ناس أصواتها لا تصلح وحملوا كارينه النقابة.
وتابع: قولولي الناس دي غنت إيه وأنا هغني زيهم، زي ما حليتوا مشكلة الراب وقيمتوه حلو مشكلة المهرجان وأعملوا لينا شعبنا وخدنا تحت باطك وحط قواعد واللي يخالفها حاسبه وخرجه، بقالي 5 سنين بعاني واتعملي قضايا وهاني شاكر يشكر اتنازلي عن القضية، ولكن كفاية ظلم.
