هشام جمال يقدم جينا نغني مع شباب قادرون باختلاف أمام الرئيس
قدم الفنان هشام جمال، أغنية هنغني، مع الأبطال ذوي الهمم، خلال احتفالية قادرون باختلاف، الذي يشهده الرئيس عبد الفتاح السيسي، في مركز المنارة.
أغنية هشام جمال مع ذوي الهمم
وتقول كلمات أغنية هنغني: هغني غنوه بقا معايا، هتغني غنوه بقا معايا، جينا نغني النهاردة من قلبنا، وأحلى حاجة فينا إننا كلنا، ألوان بشوفها بقلبي مش بس بعنيا، ومفيش أسود في الأيام الجاية، والدنيا ربنا مدي لكل واحد حقوقه، ده قانون الله، اللي محدش فوقه، مش خايف، ولا عمر النور لحظة انطفى.
وفي سياق آخر، قدمت الفنانة إنعام سالوسة، التعليق الصوتي في فيلم تسجيلي عن ذوي الهمم، بكلمات تدعم هؤلاء الأطفال، مشيدة بدور الدولة في مساعدتهم ودعمهم.
وقالت إنعام سالوسه خلال الفيلم: قادرين نشوف النور في آخر الطريق، وطموحنا يجمع أي صوت، ولو ظروفنا غلبتنا؛ بس عارفين، إحنا فعلا محظوظين ببلد بتحبنا، ودايما متفائلين، والنهاردة مصر بتبني بلد جديدة، بلد بتقدر قيمة الاختلاف، جايز ما اختارناش ظروفنا؛ لكن بإيدنا نخلي دافع للحياة، والحياة اختيار، واحنا اخترنا إن اختلافنا قوة.
احتفالية قادرون باختلاف
وكشفت المهندسة أمل مبدي، رئيسة الاتحاد المصري للإعاقات الذهنية، في تصريحات صحفية لها، عن أن النسخة الثالثة من احتفالية قادرون باختلاف سيشارك فيها نحو 450 مشاركا، داخل وخارج القاعة.
