إيمان الحصري: مشكلتي في الأمعاء والقولون وحصلي تلوث في الدم
كشفت الإعلامية إيمان الحصري تفاصيل الـ 7 أشهر الماضية في حياتها، والتي قضتها بين المستشفيات لوجود أخطاء طبية في منطقة الأمعاء والقولون.
وقالت إيمان الحصري خلال حوارها مع الفنانة إسعاد يونس، ببرنامج صاحبة السعادة: كنت بين السما والأرض، وفي الشهر الخامس من مرضي، كانوا بيقولوا لأهلي إني مش هكمل وأعيش.
وأضافت الحصري: إتعمل لي نقل دم كتير وقعدت في العناية المركزة يمكن أكتر من شهر، وأهلي وأخواتي كانوا معايا مش بيسبوني، ومعايا لحظة بلحظة وزي ما بيقولوا تحت رجلي، لدرجة إنهم كانوا بيناموا في العربيات عشان مايسبونيش لوحدي لحظة.
وواصلت إيمان الحصري: مجاليش قراح الفراش عشان كانوا بيخلوني أتحرك وحريصين على ده، ومكنتش بقدر أتحرك لوحدي، وكان عندي وقت كتير أفكر مع نفسي، كنت بقعد أتخيل إني بقدر أعمل كل حاجة لنفسي، وأمشي وحتى أتعدل على السرير، وأتصرف في حياتي زي ما أنا عايزة.
