إيمان الحصري: مرضي كان معقد وقعدت فترة كبيرة بتغذى عن طريق الأنابيب
أوضحت الإعلامية إيمان الحصري، أن مرضها كان معقدًا بشكل كبير، لأن أي خطأ جديد في علاجها يضاف لكم الأخطاء الطبية التي تعرضت لها، ويمكن أن يؤدي لإنهاء حياتها في أي لحظة.
وقالت إيمان الحصري خلال حوارها مع الفنانة إسعاد يونس، ببرنامج صاحبة السعادة المذاع عبر شاشة قناة dmc: قعدت فترة كبيرة بتغذى عن طريق الأنابيب، ومكنش بيطلعلي قرح الفراش عشان كانوا حريصين إني أمشي كتير، وخدت رعاية صحية كويسة قبل ما أسافر وبعد ما سافرت.
وأضافت الحصري: نعمة كبيرة جدًا الواحد مش حاسس بيها، إن كل جهاز في جسم الإنسان معجزة، طلاما مش متصلين بأجهزة عشان تساعدهم يشتغلوا، وكنت بشوف الكلام ده بشكل كبير وتقليدي، ولكنه طلع حقيقي.
وواصلت الإعلامية إيمان الحصري: قعدت 4 شهور متواصلين في المستشفى، وده كتير أوي، شهر 4 و5 و6 و7، واضطروا إنهم يخرجوني أروح البيت عشان نفسيتي تتحسن، ولما رجعت كنت مبسوطة أوي وإني بلبس حاجة تانية غير لبس المستشفى، وبشم ريحة تانية غير ريحة المستشفيات.
