حسيت روحي مسجونة في جسم مريض.. أبرز تصريحات إيمان الحصري مع صاحبة السعادة
فن
إيمان الحصري
حلت أمس الإعلامية إيمان الحصري ضيفة ببرنامج صاحبة السعادة مع الفنانة والإعلامية إسعاد يونس، وكشفت خلالها الحصري المعاناة التي عاشتها خلال الفترة الأخيرة في أزمتها الصحية.
وفي ذلك التقرير نستعرض أبرز تصريحات إيمان الحصري مع إسعاد يونس:
- في مرحلة حالتي تدهورت جدا والطبيب خرج قال لأخواتي أنا خلصت كل حاجة ادعوا لها.
- كان خلص كل الأخطاء في جسمي ومافيش أخطاء تاني ينفع يعملها.
- كنت بادخل العمليات كل خمسة أيام ومن كتر الألم كنت عاوزة أدخل العمليات عشان آخد بنج وأرتاح من العذاب.
- كنت فاكرة نفسي في كابوس وهاصحى أحكيه.
- طول الوقت كنت باسمع عن ناس بتتألم لكن دلوقتي حسيت نفسيا وجسديا الناس دي فيها إيه وعايشة إيه.
- كنت جثة هامدة بس الحواس شغالة والناس بتتكلم عليا على أني مش موجودة.
- كل حاجة كانت بايظة مفيش بني آدم والمؤشرات الحيوية اللي بتقول هو يكمل الحياة ولا لا مش موجودة.
- أتعمل لي نقل دم وبلازما عشان يحاولوا يخلوني عايشة لكن مش بتضمن لي هاعيش قد إيه.
- من أكتر الحاجات الصعبة إني كنت مش حرة ووجودي في الحياة مرتبط بالأجهزة.
- بعد سفري للخارج وبعد 7 عمليات أي شبه غلطة فيها حياتي.
- التقارير راحت المستشفى قبلي والدكاترة هناك كانوا في حالة ذهول وفي مستشفيات رفضوا الحالة.
- بعد السفر حسيت إن التحسن البسيط اللي حصل له علاقة بطاقة الدعاء من الناس.
- كنت باقول يا رب أرجع كويسة بس كان حلم كبير أرجع زي زمان.
- كنت عاوزة أعمل حاجات كتير وحسيت روحي مسجونة في جسم مريض.
- الدكتور بره مصر بكى وقال لي باعتذر لك بالنيابة عن كل أطباء العالم.
