أبرز تصريحات فيفي عبده في برنامج حبر سري: بحب الدلع وأمي ربتني صح
حلت الفنانة فيفي عبده ضيفة على الإعلامية أسما إبراهيم في برنامجها حبر سري، وتحدثت فيفي عبده عن طفولتها ومشوارها الفني ومهنة الرقص، وفيما يلي أبرز تصريحاتها:-
بحب العطاء وبحب أدلع، والجمهور بيدلعني وبيديني الحنان اللي في الدنيا، بس أنا بطلت أحب وقلبي مبقاش يدق.
أنا بجتهد ومش بنام يوم التصوير، وبقعد أفكر هعمل أيه في الشخصية وهقول أيه.
اللي بيقول الرقص مهنة غير شريفة، ملهوش دعوة ويخليه في حاله، واللي بيحب الرقص يتفرج عليه.
حياتي كانت صعبة وأنا صغيرة وعانيت وكنت فقيرة وطلعت السلم من البداية واحدة واحدة.
معشتش طفولتي واتحرمت من طفولتي، لأني كنت بشتغل ودا مصيري.
مش بتجنب الكلام عن بنتي عطية الله، وطول عمر ولادي برا حياتي وكل واحد عنده سكته وحياته، وولادي نعمة من ربنا.
نفسي اعمل قصة حياتي، وأنا احكيها بنفسي زي ما عشتها وحسيتها دون إضافات.
أمي ربتني صح وأنا مشيت زي ما هي قالتلي واللي عارفني عارف أن أخلاقي هي هي متغيرتش.
مش غيرانة من هشام عباس بس البرنامج ووقت مكنش يسمح يكون فيه أكتر من مذيع، وأنا عندي خبرات أكتر من هشام وعايزة أشاركها.
مكرهتش مرات أبويا لأني كنت طفلة مش فاهمة، بس لما كبرت حسيت أني زعلانة على أمي.
