بسبب الملاكمة.. أحمد العوضي يدعو للاهتمام بالرياضات الفردية في مصر |فيديو
طالب الفنان أحمد العوضي، القائمين على الرياضة في مصر، الاهتمام بالملاكمين وتخصيص مميزات لهم مثل باقي الرياضات، باعتبارها لعبة فردية مميزة.
وقال العوضي خلال ندوة القاهرة 24، إنه لن يترك الملاكمة من أجل التمثيل، لأن الأولى رياضة والثانية مهنة مختلفة، مؤكدًا: مفيش كارير في مصر للملاكمين، وده لازم يخلينا نهتم شوية بالرياضات الفردية في مصر زي الكورة بالضبط وعندنا ناس كويسة زي كرم جابر، ومعندناش العائد الكويس اللي يخليه يكمل فيها.
وفي سياق متصل، تحدث الفنان أحمد العوضي، عن نشأته في منطقة عين شمس، قائلًا: نشأت في منطقة شعبية عادية وحبيت التمثيل من وأنا صغير، كنت عايز أدخل معهد سينما وأهلي رفضوا، وده بجانب الرياضة اللي أنا بلعبها من صغري، ودخلت الجامعة، ومثّلت مسرح كتير، وشاركت في مهرجانات مسرحية.
أحمد العوضي يتحدث عن إجادته اللغة العربية
وكشف العوضي تفاصيل إجادته للغة العربية، قائلًا: الفضل في إجادتي للغة العربية يرجع إلى قراءتي المستمرة للقرآن الكريم، وبعد كده تخرجت في الجامعة واحترفت التمثيل.
وأشار أحمد العوضي، إلى أن منطقة عين شمس التي نشأ بها أثرت كثيرًا فيه، وتعلم منها الكثير، قائلًا: المناطق الشعبية دي اللي بتعلمك الأصول والجدعنة من وأنت صغير، وإن أنت تبقى راجل وتعتمد على نفسك، وأي حد ناجح؛ لازم يكون شقيان من صغره، مفيش أماكن هتعلمك الأساسيات دي- في وسط الانفتاح والسوشيال ميديا اللي إحنا عايشين فيهم- غير المناطق الشعبية.
