منها نصيحة الطلاب بشرب العدس والرقص عند التعب.. أبرز تصريحات سمية الخشاب في برنامج كلام الناس
حلت الفنانة سمية الخشاب، ضيفة على الإعلامية ياسمين عز، في برنامج كلام الناس، المذاع عبر قناة mbc مصر، وخلال اللقاء كشفت العديد من أسرار حياتها، ووجهت عدة نصائح لجمهورها المصري والعربي، كما كشفت أن العام الماضي 2021 من أفضل السنوات التي مرت بها في حياتها.
ونستعرض لكم في هذا التقرير أبرز تصريحات سمية الخشاب في الحلقة.
ـ بطلت أسمع أغاني حزينة.. وباحب الرقص جدا.
ـ مش محتاجة جواز دلوقتي لأنه هيعطلني، وأنا مستمتعة بحياتي ومكتفية جدا بنفسي.
ـ مؤخرًا بقيت أهتم بصحتي وأملأ بطني بطبق السلطة.
تصريحات سمية الخشاب
ـ باعمل فيلر وبوتكس كل سنة ونص أو سنتين، وماسك الزبادي والعسل أفضل حاجة.
ـ نصيحتي للستات اضحكوا قدام المراية، حتى لو بالكذب وقولي أنا سعيدة.
ـ العياط حلو جدا وبيخرج الطاقة السلبية.
ـ محمد صلاح مش هيتكرر، وكريستيانو رونالدو اتظلم كتير.
ـ هاني شاكر دايمًا عاوز الرقي والكلمة الحلوة.
ـ باحب حمو بيكا جدا ونصيحتي ليه يكمل تعليمه.
ـ نصيحتي للطلبة لما يتعبوا من المذاكرة في الشتا، شوربة عدس ويقوموا يرقصوا.
سمية الخشاب
ـ أنصح كل الناس بما إننا في الشتا ياكلوا كوارع وخصوصًا الرجلين الأمامية للبقرة.
ـ من ساعة ما بدأت أكل الكوارع وضعي اتغير.
ـ الجزارين بيحبوني وبيدوني أحلى حاجة عندهم.
ـ لما تكونوا زهقانين انزلوا اشتروا الخضار بنفسكم.. هتتبسطوا.
ـ عايزة أتجوز نجاح عشان يعملي سرير من الشجرة.
