سمية الخشاب توجه رسالة لشيرين عبد الوهاب: الحياة مش بتقف على حد|فيديو

حلت الفنانة سمية الخشاب، ضيفة على الإعلامية ياسمين عز في برنامجها كلام الناس، وتحدثت سمية عن نعم الله عز وجل، ووجهت رسالة إلى شيرين عبد الوهاب.

وقالت سمية: بوجه رسالة لشيرين عبد الوهاب، أنتي قوية وهتعدي المحنة دي، والحياة مش بتقف على حد وفيه أمل خصوصا أنك ست ناجحة وعندك بنات.

وواصلت: أنا دايما بقول استشعروا النعم اللي ربنا انعمها عليكم، زي الستر والصحة والبيت ولازم نشكر ربنا أننا قادرين نبلع ونمشي ونتنفس، أفرحي بشكل الخضار والفاكهة  في السوق، واستشعري نعم ربنا كلها أحنا بس اتعودنا على النعم، والناس تعيسة عشان بيفكروا في اللي فات واللي جي.

واختتمت سمية، قائلة: اللي فات خلاص بقى مجرد ذكرى تفكرني وأتعلم منها والمستقبل بتاع ربنا، ودا مش معناه أني مخططش ومحلمش، بالعكس اكتبوا أهدافكم وأحلامكم في السنة الجديدة.

آخر أعمال سمية الخشاب

وعلى جانب آخر، كانت آخر أعمال سمية الخشاب هو دويتو مع مطرب المهرجانات الشعبية عمر كمال في أغنية تحمل اسم أوعدك، ونالت الأغنية إعجاب الجمهور، وتخطت حاجز ال  15مليون مشاهدة منذ طرحها على موقع الفيديوهات يوتيوب. 

نصائح سمية الخشاب لتخطي العلاقات المؤذية

والجدير بالذكر، تصدرت سمية الخشاب تريند مواقع التواصل الاجتماعي مؤخرا، بسبب النصائح التي تقدمها سمية لكل فتاة لتخطي العلاقات المؤذية، وذلك عبر حسابها الرسمي بموقع التغريدات القصيرة تويتر، حيث كتبت سمية: 

لما يخونك بتحسي بأنعدام في ثقتك بنفسك فلازم تبدأي تحبي نفسك وتعرفي أنه لو كان بيحبك من اﻷول مكنش عمره فكر يعمل كدة، والعيب مش فيكي. 
افتكري أنه في 7 مليار بني آدم على وجه الكوكب واللي خلقه خلق اللي أحسن منه وهيقدر يقدرك.

وطالبت سمية الخشاب بخضوع الشريكين لعدد من الفحوصات قبل زواجهما، حتى يتم التعرف على مدى تأهلهم للإنجاب أم لا، وقالت سمية: أنا بطالب برخصة وامتحان لـ الإنجاب، يعني قبل ما الأزواج يخلفوا يروحوا يطلعوا الرخصة دي، فا يتعملهم اختبار.. هل هما مؤهلين يربوا أو لأ؟ هل هما مؤهلين عقليا؟، هل هيطلعوا نشأة كويسة للمجتمع؟