محامي الفتاة المنتحرة: مدرس بسنت قالها انتي بقيتي التريند رقم 1
قال عبد الله أبو المجد، محامي ضحية الابتزاز بسنت خالد الفتاة المنتحرة في الغربية نتيجة انتشار صور مفبركة لها، إنها لم تر تلك الصور إلا قبل إقدامها على خطوة الانتحار بنحو نصف ساعة فقط.
بسنت ضحية الصور المفبركة
أضاف محامي ضحية الابتزاز، خلال مداخلة مع معتز عبد الفتاح مقدم برنامج تحت الشمس، عبر قناة الشمس، بسنت مكنتش تعرف حاجة عن الصور دي، وفي مدرس تنمر عليها وقالها انتي بقيت التريند رقم 1 أكثر من بتاع شيماء، والشباب هيصوا على الموضوع، وبسنت واجهت كل ده، الموضوع كان صعبا، وجالها اكتئاب وهي عندها 15 سنة أدى لانتحارها.
استطرد المحامي: أهل القرية مش مصدقين أن بسنت تعمل كده، بسنت محترمة ومجتهدة جدا دراسيا ومستحيل تعمل حاجة زي كده، وجنازتها كانت كبيرة.
وعلّق معتز عبد الفتاح مقدم البرنامج: "بقول لكل بنت زي بنتنا بسنت ممكن يتعرض لها حاجة زي كده: أنتي الأقوى، وعلى المجتمع أنه يقتنع أن أي صور لأي بنت من بناتنا متفبركة، لأنه أي بديل عن أنها مش مفبركة هنوصل بناتنا لما حدث لبسنت".
