سمية الخشاب: الجواز نظام اجتماعي فاشل.. ومستحيل أكون زوجة ثانية
تحدثت الفنانة سمية الخشاب عن الزواج في المجتمع وفكرة الزوجة الثانية، مشيرة إلى أنها لا تفكر بالزواج في الفترة المقبلة.
وقالت سمية الخشاب خلال لقائها مع الإعلامية أسما إبراهيم في برنامج حبر سري: أنا مش عايزة أتجوز تاني حرمت خلاص، أنا كده ملكة والزواج نظام اجتماعي فاشل، وأنا مش بفكر في اللي فات ولا اللي جاي وبركز على الحاضر وده أحسن حاجة، وشروطي لو فكرت أتجوز في يوم، يكون طيب، غني، محترم، وكريم.
وواصلت الخشاب: عمري ما أوافق أكون زوجة تانية لأنه مش صح وبيفشل، أنا مجربتش بس سمعت من اللي حواليا، وشوفنا تجارب فاشلة كتير من صحابنا وقرايبنا وعارفين أنه هيرجع لمراته وأولادة ومش من قلة الرجالة يعني.
وتابعت سمية الخشاب: ممكن أتجوز رجالة مطلقين إنما زوجة تانية لأ، وأول ما بعرف أنه متجوز بنسى الموضوع تماما وبسأل أول سؤال أنت متجوز ولا لأ؟ أصل ساعات بيقلعوا الدبلة.
آخر أعمال سمية الخشاب
يذكر أن آخر أعمال سمية الخشاب فيديو كليب مع مؤدي المهرجانات الشعبية عمر كمال ويحمل اسم أوعدك، ونال الفيديو كليب إعجاب الملايين، حيث كسر حاجز الـ 15 مليون مشاهدة منذ طرحه على موقع الفيديوهات يوتيوب، وتصدر تريند مواقع التواصل الاجتماعي.
وأثارت سمية الخشاب الجدل على مواقع التواصل الاجتماعي بسبب نصائحها للطلاب أثناء فترة الاختبارات، عبر حسابها الرسمي بموقع التغريدات تويتر.
