سمية الخشاب: لازم فترة الخطوبة تبقى سنة ونص على الأقل عشان نكتشف بعض
وجهت الفنانة سمية الخشاب رسالة إلى الفتيات المقبلات على الزواج، مشددة على ضرورة ألا تقل فترة الخطوبة عن سنة أو سنة ونصف حتى يعرف كل منهما الآخر.
وأضافت الخشاب خلال لقائها في برنامج حبر سري المذاع عبر قناة القاهرة والناس تقديم الإعلامية أسما إبراهيم، لازم تكوني واعية وتسألي عشان مفيش حد يقع في مشاكل، لازم تسألي وتعرفي بيعمل إيه حكايته إيه وأخلاقه وعيلته، دلوقتي الخطوبة وكتب الكتاب ورا بعض على طول دي كارثة على الأقل سنة أو سنة ونص، عشان التمثيل بيقل بعد السنة ونص.
وفي سياق منفصل، تحدثت سمية الخشاب، عن خلافها مع وفاء عامر، بعد أن هاجمتها الأخيرة بسبب علاقتها بأحمد سعد ودافعت عن ريم البارودي، وقالت: إحنا مش أصحاب عشان أقاطعها، وأنا لم أهتم وقتها، فيه حاجات مش بديها أكبر من حجمها، كان لازم أرد وأقول اللي بيته من إزاز ما يحدفش الناس بالطوب مثلًا!.. لكن فيه ناس بتحب تزيط عشان يطلعوا تريند.
كما تحدثت عن تعليقات البعض بأن أغنيتها مع عمر كمال لم تحقق نجاحًا قويًا، وأنها استغلت نجاح مؤدي المهرجانات حتى تتصدر التريند.
وكانت سمية تطرقت للحديث عن واقعة رقص المعلمين خلال وجودهم في رحلة نيلية معًا، ما نتج عنه إحالتهم للتحقيق، وإصدار قرار بإيقاف معلمة، وكتبت من خلال تغريدة، عبر موقع التدوينات القصيرة تويتر، مغردةً: لو كل إنسان اتلهى في نفسه والله هننهض، حسبي الله ونعم الوكيل في اللي صورها وخرب بيتها، انشغلوا بنفسكوا بقى كلكم عيوب والله.
