منال سلامة: التمثيل أصعب مهنة بالعالم بعد العمل في المناجم
علقت الفنانة منال سلامة على الهجوم الذي واجهته، بسبب وصفها لمهنة التمثيل بأنها مهنة متاعب بلا رحمة.
وقالت الفنانة منال سلامة، في تصريح خاص لـ القاهرة 24، عند حديثها عن مهنة التمثيل: مهنتنا مهنة متاعب ومصاعب وأنا مغلطتش، هي تاني أصعب مهنة في العالم بعد عمال المناجم ودي حسب دراسة مش من دماغي بقول الكلام ده.
وتابعت الفنانة منال سلامة: تعرضت لصعوبات كتير في شغلي وكنت لوحدي، ولما كنت بولد في مرة جوزي كان بيصور ومكنش جمبي، ومواقف كتيرة، وفي مرة صورت مسلسل إلا أنا وأنا كان عندي كورونا، وتيجي الناس تقول إننا مرفهين.
في سياق متصل، قالت الفنانة منال سلامة إن نجلها علي خرج في الساعات الأولى من صباح اليوم الثلاثاء من المستشفى، وحالته الصحية أصبحت أفضل الآن.
منال سلامة تتحدث عن صعوبات المهنة
وكتبت على حسابها الشخصي بـ انستجرام: ده علي ابني لسه خارج من العمليات الحمد لله ادعوله ربنا يتمم شفاه على خير أنا عمري ما نشرت أي خبر وحش عني أو عن أسرتي دائمًا بنحط الصورة الحلوة فقط أنا بقول الكلام ده عشان الناس فاكرة الحياة بمبي طول الوقت وده مش حقيقي يعني أنا دلوقتي في المستشفي مع ابني لوحدي عشان جوزي بيصور مسلسل نقل عام.
وأضافت: اللي بيتعرض علي الهواء شغلنتنا مفيهاش رحمة ودي مش أول مره أتعرض للموقف ده علشان إحنا بنشتغل شغلانة دون قلب والناس فاكرة أن حياتنا من غير متاعب الحمد لله ربنا يتم شفاه على خير.
