فيه ناس قدمت ورق مزور وبناشد الرئيس يجيب لي حقي.. أبرز تصريحات حمو بيكا
فن
حمو بيكا
ظهر مطرب المهرجانات الشعبية حمو بيكا في بث مباشر عبر حسابه الرسمي على موقع انستجرام، وناشد حمو الرئيس بسبب الظلم الذي يتعرض له في نقابة المهن الموسيقية، كما كشف تعرضه للخيانة من قبل مدير أعماله، بجانب الحديث عن المأساة التي يعيشها بعد منعه من الغناء في مصر.
وفيما يلي أبرز تصريحات حمو بيكا: -
- النقابة فيها ظلم وافترى، وأنا هاخد حقي بالقانون وحسبي الله ونعم الوكيل.
- هاخد حقي بالقانون، وهكشف الظلم اللي بيحصل في النقابة وبعدها مش هبقى عايز أغني تاني.
- فيه ناس قدمت ورق مزوَّر، وناس تاني مسجلة، وبعدين أخدوا الكارنيهات.
- أكل عيشي واقف وحياتي مدمرة من النقابة.
- أنا مظلوم يا سيادة الرئيس والنقابة جاية عليا.
- تعبت وشقيت ونجحت بـ فضل جمهوري؛ لأني طيب وقلبي أبيض.
- أنا وقفت مع فرقتي وعمري ما قولت أنا بنجح بـ نفسي.
- أنا مش بعرف أقرا ولا أكتب، ولا أعرف أرد على الناس، بس الناس حبتني.
- تعرضت للخيانة من مدير أعمالي، وقال كلام عني من ورا ضهري بالرغم من صداقتنا.
- مش مشكلتي في النقابة ولا أني أشتغل بس ربنا لما بيرزق حد مينفعش حد يمنعه.
- أنا مش بنام والناس مش عارفة أنا عايش إزاي، وهوريكوا قد إيه ناس عايشة من ورايا.
- أنا واثق في الرئيس والدستور وأحنا في دولة القانون وأنا مظلوم.
- أنا جنسيتي مصرية وممنوع من الشغل في بلدي في المقابل في ناس أجانب بيشتغلوا في مصر، هل دا عدل؟
- مابقتش فارقة معايا عايش زي ميت ويا نعيش بكرمتنا ورجالة يا نموت.
- ما عاش اللي هيكسر عيني ويذلني ويا جبل ما يهزك ريح.
- يارب أي حد جه عليا ميشوفش سعادة في حياته.
