حمو بيكا: أنا داخل النقابة بجمهوري مش بصوتي.. ومش حابب أغني بره مصر
تحدث مغني المهرجانات حمو بيكا، عن أزمته مع نقابة المهن الموسيقية، وعدم حصوله على كارنيه مزاولة المهنة ومنعه من الغناء داخل مصر.
وقال بيكا، خلال لقائه ببرنامج كلام الناس، تقديم الإعلامية ياسمين عز، عبر شاشة MBC مصر: مش فرحان أني أسيب بلدي وأغني بره مصر، لكن كل واحد عنده سلطة بيتحكم في البشر، ميعرفوش إن في ربنا، وقانون يعرف يجيب لنا حقنا، وأنا مش حابب أغني بره مصر، يكفيني تراب مصر وبلدي، لكن النقابة قالت يطلعوا يغنوا بره.
وأضاف حمو بيكا: النقيب هاني شاكر طلع قرار، وقال لو عايزين يغنوا يغنوا بره مصر، مينفعش مصر يكون فيها هذا الفن، ومع ذلك صرح للكل وأداهم الكارنيهات وفي منهم مزورين ورق، أنا بقول الكلام ده ومش فارق معايا اشتغل في مصر أو لأ، لكن مينفعش حد من أعضاء النقابة يقول فلان الفلاني مزور، وبعدها يحط إيده على كتفه ويسلمه الكارنيه.
حمو بيكا: أنا ورقي في النقابة جاهز
واستكمل بيكا: مينفعش حد يدخل النقابة إلا لما يكون مقدم ورقه وأنا ورقي في النقابة جاهز، وموجود قبل أي حد من مطربي المهرجانات، وأنا مش داخل بصوتي أنا داخل بجمهوري لأني مؤدي، مش لازم صوتي يكون كروان، وليا جمهور كبير في مصر وأي دولة عربية أحسن من 40 ألف متفرج.
وتابع بيكا: ممكن النقابة تصنفني، لكن مفيش قانون يمنعني، وليا حرية الرأي والتعبير والنشر أنا مش بعمل حاجة غلط أنا بغني، ووافقت على كل شروط النقابة حتى إني أغير اسمي، ولو هما في النقابة مش معترفين بيا، أنا كمان مش معترف بيهم.
