حسن شاكوش باكيا: أمي عندها سرطان وزعلانة عليا
كشف مطرب المهرجانات الشعبية حسن شاكوش، الأزمات التي يعيشها في حياته الشخصية لأول مرة، مشيرا إلى معاناة والدته مع مرض السرطان، وحزنها عليه بسبب أزمته الأخيرة.
وقال حسن شاكوش خلال لقائه مع الإعلامية ياسمين عز، في برنامج كلام الناس، المذاع عبر شاشة MBC مصر: أمي بتدعي لي، وبتقولي إن ربنا هيقف معايا وهيكرمني لأني مش بظلم ولا بسيب حد في ضيقة، وأنا زعلان عشان أمي عندها سرطان.
وواصل شاكوش: أمي بتتأثر بأي حاجة بتحصل معايا، وأنا مش بحب أتكلم عشان محدش يفتكر أني بتاجر بمرضها، وهي كل حاجة في حياتي وبقولها ربنا يخليكي ليا، وكل الخير اللي أنا فيه أنتي السبب فيه طبعا، وبأكد لها أني هرجع أحسن من الأول.
آخر أعمال حسن شاكوش
وجدير بالذكر أن حسن شاكوش يعيش حالة من النشاط الفني، حيث طرح العديد من الأغاني وأحيا الكثير من الحفلات، وكانت أغنية وياك آخر أغانيه، ومن توزيع إسلام ساسو، ونالت الأغنية إعجاب الجمهور، حيث تخطت حاجز الـ 2 ونصف مليون مشاهدة، منذ طرحها على موقع الفيديوهات يوتيوب.
ونال حسن شاكوش شهرة واسعة بعد طرحه أغنية حبيبتي افتحي شباكك أنا جيت، مع الفنانة ياسمين رئيس، على طريقة الفيديو كليب، حيث تصدرت الأغنية تريند مواقع التواصل الاجتماعي، وكسرت حاجز الـ 149 مليون مشاهدة، منذ طرحها على موقع الفيديوهات يوتيوب.
