إنتَ سوسة وحمو بيكا تلقائي.. شاكوش ينفعل على المذيعة ياسمين عز بعدما أحرجته: إنتِ تعرفيني؟
وصفت الإعلامية ياسمين عز، مغني المهرجانات حمو بيكا، بأنه تلقائي وعلى طبيعته، ليقاطعها حسن شاكوش قائلًا: تلقائي زيي على فكرة مش بيحضر الكلام.
بينما أحرجت ياسمين عز حسن شاكوش على الهواء وقالت له: بس إنت يا حسن سوسة، ليرد عليها شاكوش قائلًا: إنتي تعرفيني؟
وعادت ياسمين عز وقالت موجهة حديثها لحسن شاكوش: إنت بتشغل دماغك، ليرد عليها: بشغل دماغي في الشغل في الخير مش في الشر، هو إنتي مش عشان تطلعي تعملي تريند مش بتحضري أنا كمان بحضر العفريت بتاعي.
من جانبه، انفجر حمو بيكا من الضحك خلال حديث ياسمين عز وحسن شاكوش، ثم قال: كل واحد لازم يكون ناجح والله إحنا مش بنام وفكر وشغل طول الوقت، أنا وحسن عاملين خمس أغاني ومش عارف يقرر أنهي أغنية اللي هتنزل.
وقال حسن: مش بحب أنزل شغل عمال على بطال منزل أغنية حبيبتي سنة 2021 حققت 150 مليون مشاهدة.
في سياق آخر، كشف حسن شاكوش، الأزمات التي يعيشها في حياته الشخصية لأول مرة، مشيرًا إلى والدته تعاني من السرطان بسبب حزنها عليه بعد أزمته الأخيرة، معقبًا: أمي بتدعي لي، وبتقول لي إن ربنا هيقف معايا وهيكرمني لأني مش بظلم ولا بسيب حد في ضيقة، وأنا زعلان عشان أمي عندها سرطان.
واستكمل: أمي بتتأثر بأي حاجة بتحصل معايا، وأنا مش بحب أتكلم عشان محدش يفتكر أني بتاجر بمرضها، وهي كل حاجة في حياتي وبقولها ربنا يخليكي ليا، وكل الخير اللي أنا فيه أنتي السبب فيه طبعا، وبأكد لها أني هرجع أحسن من الأول.
