أديب يعلق على إجازة الأبوة يوما واحدا حال ولادة الزوجة: لو راح مصر الجديدة يومه خِلص
علق الإعلامي عمرو أديب، على موافقة مجلس الشيوخ خلال الجلسة العامة برئاسة المستشار بهاء أبو شقة الوكيل الأول للمجلس، على منح إجازة أبوة للعامل عندما يرزق بطفل مدتها يوم واحد.
خلوها تلات أيام يا جماعة عشان الزوج يتابع مراته
وقال أديب خلال برنامجه "الحكاية" على شاشة "mbc مصر"، مساء الأحد: خلوها تلات أيام يا جماعة عشان الزوج يتابع مراته ويشوف طلباتها، ولنفترض يوم الإجازة مراته موضعتش يبقى يسيبها ويرجع شغله.
الأب له دور جنب مراته
وأضاف أديب: الأب له دور جنب مراته، عنده مشاعر تعب نفسيا مثلا، كان قلقان، فيه أزواج كتير بتكون قلقانة، ونفسه يفرح بالطفل ويجيب حاجات ويساعد ويستقبل الناس اللي بتيجي تبارك.
أكمل أديب: الراجل مراته وضعت إديلة إجازة ياخد نفسه، أنا بطالب مجلس النواب يدي الزوج 3 أيام، مش بيحلى الستات تولد غير في الفجر متفهمش ايه الحكاية، بس لازم الزوج يريح ينام يعرف يتصل مع أمه وأبوه يقفوا معاه، فيه حاجة عايزة تتدفع.
لو راح يجيب حاجة من مصر الجديدة بتخلص الـ 24 ساعة
اختتم: الزوج لو راح يجيب حاجة من مصر الجديدة بتخلص الـ 24 ساعة، أنا بقول أقل حاجة ياخدها الزوج 3 أيام.
