مبروك عطية مهاجمًا هبة قطب وعمرو أديب: إعلام فاسد!
هاجم الدكتور مبروك عطية، العميد السابق لكلية الدراسات الإسلامية جامعة الأزهر فرع سوهاج، الدكتورة هبة قطب والإعلامي عمرو أديب على واقع حلقة الأمس من برنامج الحكاية، وما أحدثته من جدالات واسعة حول أهمية عمل المرأة من عدمه.
وقال مبروك عطية خلال بث مباشر له على صفحته على موقع التواصل الاجتماعي فيسبوك: مناقشة هادئة إلى الدكتورة هبة قطب، بعد ما اتفرجت على حلقتها أمس على التليفزيون.. والسؤال إلى الدكتورة هبة قطب، وما هو الفرق بين الست العاملة وبين الست المعتكفة على تربية الأولاد؟.
مبروك عطية: معرفش الكلام ده أنتوا جايبينه منين.. لو أعرف هقول علطول!
تابع العميد السابق لكلية الدراسات الإسلامية: كلامك يا دكتور هبة إن الأفضل الست تكون عاملة، علشان متقعدش في البيت وتجيب نكد، وكل شوية أنت سايبني لوحدي ومبتكلمنيش ومبتضحكنيش ومبتخرجنيش ومبتفسحنيش.. أنا معرفش الكلام ده أنتوا جايبينه منين! ما هو أنا لو أعرف هقول علطول.
وواصل عطية: الناس لما بتتكلم في المجتمع والفن لما بيتكلم في المجتمع.. بيتكلم عن مجتمع ملوش رب.. الست اللي مورهاش وظيفة، لا تبقى زهقانة ولا بتبقى مخنوقة ولا بتزعل بعلها.. إعلام فاسد بكل المقاييس.. محدش من اللي بيتكلموا دول رد وقال: طب وحق ربنا عليها، وإن وجودها لوحدها عبادة، محدش ليه من القاعدين دول قال ليها مصحف تحفظ فيه بعض الصور اللي بيسموها قصار، وعيب نوصف الصور إنها قصار.. الصور ذات الآيات المعدودة.
واستنكر مبروك عطية، قائلا: هو ربنا أمر بتسبيح الرجال دون النساء؟! يعني الرجل يروح الشغل ويسبح ويحمد ربنا ويركع ويسجد والست قدامها فرصة أطول من كدا وأفضل وأجمل في غيابه، إنها تقول ربنا يكرمه ويوفقه وينجحه.
واستكمل عطية: هما متخصمين يا خيبة علشان يحتاجوا يتكلموا، هما مخاصمين بعض! احنا ليه بنعمل من الحبة قبة!
واختتم مبروك عطية، قائلا: خلاصة القول للدكتورة العزيزة ومن يهمه الأمر: الحياة الزوجية وفاق وبلاش نحشر المثقفين والمتنورين يرسمولنا حياة.
كانت الدكتورة هبه قطب، قد قالت خلال حلقة أمس من برنامج الحكاية، إن المرأة العاملة أفضل حالًا من المرأة التي لا تمتلك وظيفة، موضحة أن المرأة إذا لم تعمل، واكتفت بالبقاء في المنزل والاعتكاف على تربية الأولاد، سيكون الأمر ضار لها ولزوجها، بسبب التفكير السلبي، وتأثيرها على زوجها والحياة الأسرية.
