مصطفى درويش بعد حسم الأزهر معجزة المعراج: بدافع عن الصلاة اللي بصليها
علق الفنان مصطفى درويش، على حسم الأزهر لمعجزة معراج النبي وتأكيد حدوثها على النحو الوارد بالقرآن الكريم، مؤكدًا أنه المرجعية الوحيدة له وللمسلمين.
وكتب مصطفى درويش عبر حسابه الشخصي بـ فيس بوك: الأزهر قال كلمته ونصر الحق، ممكن مسمعش صوت معارض لو سمحتم، لأن إحنا مرجعيتنا للأزهر وأنا ولا شيخ ولا حاجه أنا لسه باديء انتظم في الصلاة من قريب، وكان بعد مشكلة حصلتلي ف قربت من ربنا واعتذاري عن الفيلم، جالي في أصعب ظروف.
مصطفى درويش: يا ريت نقفل الموضوع ده عشان أخد أكبر من حجمه
وأضاف مصطفى درويش: محدش عارف عنها حاجه محتاج ماديات فعلا، ومحتاج شغل لأني لسه في أول الطريق ف أكيد اعتذاري عنه كان على عيني بس ديني أهم، وأنا لا غلط في الأستاذ إبراهيم ولا غلط في حد، أنا بس أخدت قرار أدافع عن الصلاة اللي بصليها، والإسلام اللي هو ديني ودين أمتي.
وأوضح: لو كان الأستاذ غلط في أي ديانة مسيحية أو غيرها كان هيبقى نفس موقفي، أنا مسلم مؤمن بكل الرسول والديانات السماوية ومقبلش حد يشكك في الكتب السماوية وأسكت، ونقفل الموضوع ده علشان أخد أكبر من حجمه.
وسبق، وأعلن الفنان مصطفى درويش، مقاطعة أي برنامج للكاتب إبراهيم عيسى، والاعتذار عن فيلم الملحد الذي يشارك فيه، وهو من تأليف الثاني، وذلك بسبب إنكار الإعلامي لمعزة معراج النبي.
