مشاكل شيرين عبد الوهاب ماعطلتهاش بالعكس ساعدتها.. أبرز تصريحات حمادة هلال في حبر سري
فن
حمادة هلال
حل الفنان حمادة هلال، ضيفًا على الإعلامية أسما إبراهيم، في برنامجها حبر سري، المذاع على قناة القاهرة والناس، وتحدث في الجزء الأول من الحلقة عن بداياته، وكذلك عن زملائه بالوسط الفني وكشف كواليس أعماله التي قدمها على مدار مشواره الفني.
وجاءت أبرز تصريحات حمادة هلال كالتالي:
- معنديش منافس ومنافسي الوحيد هو حمادة هلال لأني مش بقارن نفسي بحد وممكن أغني أغاني ملهاش علاقة ببعض.
- مفيش تعاون بيني وبين حمو بيكا كما أشيع أنا بحب خفة دمه.
- حمو بيكا لو ركز في التمثيل هينجح جدا وهيكون زي طلعت زكريا.
- حسن شاكوش صوته حلو حتى من غير موسيقى وبذكائه الناس حبته وأنا ضد إنه يغيره.
- معجبنيش الفيديوهات اللي نزلت بعد أزمة شاكوش مع رضا البحراوي.
- الشيطان دخل بين نصر محروس وبهاء سلطان والأمور صفيت.
- من الأصوات اللي بحب أسمعها شيرين وبهاء سلطان.
- بهاء سلطان أطيب إنسان شوفته في حياتي وأذكره بالخير لأني مشوفتش منه غير كل خير.
- غيرت كلام أغنية مسطول في حفلاتي من عيلة واطية ونصابة إلى عيلة مليانة طيابة بسبب موقف ضرب أب لابنه لما قال كوبليه عيلة واطية ونصابة.
- شايف إن مشاكل شيرين عبد الوهاب في حياتها ماعطلتهاش بالعكس ساعدتها.
- مش بحب الشخصية اللي جسدتها في فيلم مستر أند ميسز عويس، كان فيه مبالغة في الدور ولا أحب الشخصية ولا أشاهدها عند عرضها على التيلفزيون.
- بحب محمد حماقي من بين نجوم جيلي وشايف إن خطواته ثابتة ومركز فب الغنا بس وعمرو دياب ابتعد عن التمثيل لما لقاه هياخده من الغنا.
- أول أجر أخدته في فرح كان 5 جنيه.
- بحب العيال حبيبة أكتر من عيال هربت والمداح المسلسل الأقرب لقلبي.
- خالد سرحان قلبه قلب طفل وراقي ومن أطيب الناس اللي قابلتها في حياتي.
