أول تعليق من الإعلامي عمرو أديب على تريند البيض الأورجانيك
علق الإعلامي عمرو أديب، على حالة الجدل المثارة بين مستخدمي موقع التواصل الاجتماعي فيسبوك، بعد حديثه أمس عن ارتفاع الأسعار، قائلًا: اتكلمت عن قزازة الزيت بكام وعلبة اللبن حالها إيه والجبنة المثلثات نعمل معاها إيه والسمنة نتصرف معاها إزاي.
ووجه عمرو أديب رسالة للجمهور عبر حسابه الرسمي علي تويتر قائلًا: إنما ثقافه التفاهة والترصد المستمر وطبعا أنا خبير، وقديم ومش مصدق إنى بكتب بحكي والفيديوهات موجودة ولكن هذا عملي وهذا وطن وهذا قدري.
وردًا على قناة الجزيرة الإخبارية، قال عمرو أديب، والجزيرة مصر سابت ساعة كلام واشتغلت على البيض والبسطرمة اجتزاء، وترصد كالعادة اتعودت عليه، متابعًا: وما كان موضوع البيض الأورجانيك إلا انتقاد للناس اللي محبكاها قوي وتشتكى من أشياء تافهة.
تابع عمرو أديب: الفيديوهات موجودة وياريت الناس تبطل ثقافة الهاشتاج وفي النهاية الرسالة واحده الأيام اللي جاية صعبة.
وأوضح أديب، أنه في ذات الحلقة، قام بالحديث عن كيفية مواجهة أزمة غلاء الأسعار، وشراء المنتجات الأرخص في الثمن، متابعًا: تحدثت عن دور الدولة فى ضرب الاحتكارات.
موجة الغلاء وارتفاع الأسعار في السلع الغذائية
وفي وقت سابق، علق الإعلامي عمرو أديب، على موجة الغلاء وارتفاع الأسعار في السلع الغذائية جراء الحروب الروسية الأوكرانية، لافتا إلى أن الزيادات الحالية ليست زيادات ناتجة عن هذه الأزمة، متابعًا: الغلاء اللي شايفينه دلوقتي ملوش علاقة بالحرب، لسه الغلاء بتاع الحرب جاي.
هل علبة اللبن اللي زادت النهاردة بعد ما الحرب تخلص هتنزل تاني؟.
وأضاف أديب، خلال برنامجه الحكاية"، مساء اليوم الإثنين: "قبل ما أقول للدولة خفضي وأعملي تسهيلات؛ هل علبة اللبن اللي زادت النهاردة بعد ما الحرب تخلص هتنزل تاني؟ كيلو المكرونة السايبة زادت 3 جنيه هل هتنزل تاني؟، متابعًا: "لو الأسعار مش هينزل تاني أقول ليه للدولة قللي أو اعملي واحنا عارفين في مصر أن اللي بيطلع مش بينزل.
