هشام المليجي: فيه شعراء بيكلموني عشان ألحن لهم والنقابة مبتديش معاشات
أعرب الفنان هشام المليجي، عن حبه الشديد للموسيقى، موضحا أنه عضو في نقابة المهن الموسيقية منذ عام 1995، مشيرا إلى أن الموسيقى هي الشيء الوحيد الذي يتسلل إلى الروح دوم الحاجة إلى كلمات.
وقال الفنان هشام المليجي، في تصريحات تلفزيونية، إن هناك العديد من الشعراء اللذين تواصلوا معه لكي يلحن لهم الأغاني، متابعا: الكلام الوحيد الذي لا ينفذ كلام الله، لكن كلامنا بيفنى، المزيكا بتخاطب حاجة جوانا من غير كلام، اتجاهي الفترة الأخيرة راح للمزيكا، وفي شعراء كتير كلموني عشان ألحن لهم، أنا شغال على مشروعي من 2006.
وتابع الفنان هشام المليجي: أنا مش عايز أبان إني مختلف، عايز أبان إني أنا، أنا عايز الحاجة اللي بحبها، مش أكون الممثل راح والممثل جه، المزيكا هي أهم حاجة في الفنون، لأنها بتدخل الروح من غير كلمات.
وأضاف هشام المليجي: أنا مؤلف موسيقي بألف مزيكا من أيام ما كنت في المعهد، وأنا عضو نقابة كـ ملحن سنة 1995، أيام ما كان حسن أبو السعود النقيب، وأنا عامل في نقابة المهن التمثيلية، والنقابة مبتديش معاشات يا جماعة عشان محدش يقول بقى إنه عضو في نقابتين وباخد معاشات.
كما علق المليجي، على صراحته، التي أعرب عنها متابعيه عبر حسابه الشخصي بموقع فيس بوك: معنديش حاجة أخجل منها، الموضوع جرأة وربنا يسترنا جميعا، أنا إنسان عادي، يعني كلنا بنعمل نفس الحاجات، طول ما إنبوكسك سليم أنت في السليم، بحب أهزر على الفيس بوك بلاش كأبة، كمان في ناس بتكون محتاجة توضيح، بس بحب أهزر، طبعا مضطرين عشان في حالات وفيا كتير، بس خلينا ننبسط.
