رمضان صبحي: بحب الأهلي ومحدش كلمني من الزمالك.. ولسة معملتش تاريخ
كشف رمضان صبحي، لاعب فريق بيراميدز، حقيقة وجود مفاوضات من جانب الأهلي أو الزمالك لضمه، وموقف من تشجيع القطبين عندما يلعبان معًا.
رمضان صبحي: بحب الأهلي ومحدش كلمني من الزمالك
وقال رمضان صبحي في تصريحات تليفزيونية: أنا بحب الأهلي من صغري ولكن الكلام عن مفاوضات معايا عشان أنضم للفريق مش صحيح، أنا دلوقتي على قوة فريق بيراميدز، وأنا بحترم فريقي، واللي بيقول كده بيبقى عايز يعمل فرقعة.
رمضان صبحي: أنا لسة معملتش تاريخ
وأردف صبحي بـ: الموضوع مش فلوس زي ما أنا قلت، هو مشروع أنا شوفت الناس دي عايزة تعمل حاجة، رمضان باع تاريخه !! رمضان أصلًا لسه معملش تاريخ، أنا لسه معملتش أي حاجة فعلًا، ولو أنا عملت تاريخ أومال الأساطير اللي اعتزلوا دول عملوا إيه.
وأضاف رمضان صبحي: الزمالك نادي كبير بحترمه وبقدره، بس مفيش أي حد مسئول من الزمالك كلمني لحد دلوقتي، ومعرفش اللي بيقول إني هروح الزمالك بيقول كده على أساس إيه، ومش هيفرق أطلع أنفي كده كده اللي عايز يصدق حاجة بيصدقها.
وواصل رمضان: كل قراراتي باخدها من دماغي أنا مش صغير وشايل المسئولية، وكابتن إكرامي ماكنش طرف في أي حاجة خدتها.
واختتم رمضان صبحي: لو الأهلي والزمالك بيلعبوا ضد بعض مش هشجع حد منهم، أنا دلوقت على قوة بيراميدز، وممكن أشجع النادي اللي هيكون فوزه في صالح فريقي بس، الزمالك لما كان المنافس بتاعي وفوزه هيضرني، أكيد وقتها مش هشجع الزمالك، ونفس الكلام مع الأهلي.
