مبروك عطية ساخراً من رحاب الجمل: محدش بيجبرك تكوني زوجة تانية يابت
علق الدكتور مبروك عطية الداعية الإسلامي وعميد كلية الدراسات الإسلامية الأسبق بجامعة الأزهر الشريف، علي تصريحات الفنانة رحاب الجمل، قائلا: قراءت لها كلمة بها زاوية غائبة، وداخل أتكلم فيها، إيه المشكلة في كده.
مبروك عطية يرد على رحاب الجمل: مفيش حد بيجبرك وعالم دين اللي يقول الكلام ده
وقال عطية، في بث مباشر له علي صفحته الرسمية علي موقع التواصل الإجتماعي فيس بوك: قرأت لها المدعوة رحاب الجمل بتقول أنا لم أرضي أكون زوجة تانية، مضيفا:الزاوية الغائبة في كلامها هو فيه حد بيجبرها علشان تكون زوجة أولي أو زوجة تانية، ده اللي يقوله عالم بصير مش ممثلة.
مبروك عطية: ارفضي براحتك وبالناقص عنك
وأشار عميد كلية الدراسات الإسلامية الأسبق، إلي أن الفنانة لها حق الرفض، ولكن لا تعمم حديثها، قائلا: من حقك ترفضي يا فندم بس مش علي حساب العامية، انتي ترفضي مليون واحدة توافق تكون زوجة تانية وبالناقص عن حضرتك، أرفضي محدش شريكك يابت، محدش بيجبرك يابت، ده الدين.
الله يحرق المسلسلات اللي توغلت وكل شوية خيانة زوجية
وتابع مبروك عطية، افهمو انا داخل ليه، هي بتقول انا أرفض الخيانة الزوجية، ومبروك عطية بيقولك مفيش خيانة زوجية، فيه خيانة ربانية، وسخر عطية من المسلسلات قائلا:الله يحرق المسلسلات والأفلام اللي توغلت وكل شوية تقولك خيانة زوجية.
مبروك عطية: مفيش خيانة زوجية، انتي متخونيش ربك وانت متخونش ربك
وأضاف الداعية الإسلامي، مفيش خيانة زوجية، هي الزوجة اللي قالت ولا تقربوا الزنا ولا ربنا اللي قال، مفيش خيانة زوجية انتي متخونيش ربك، وأنت منتخونش ربك، بس كده ده اللي داخل علشانه.
