منة عرفة: مؤخر جوازي كان 200 ألف جنيه بس.. وما لبستش أبيض ولا عملت خطوبة
صرحت الفنانة منة عرفة، أن مؤخر زواجها على محمود المهدي كان 200 ألف جنيه فقط، مشيرة إلى أن الماديات لا تفرق معها.
وكشفت منة عرفة خلال لقائها في برنامج تلفزيوني، سبب عدم إقامتها حفل زواج، قائلة: كل ما نيجي نعمل فرح يحصل حاجة ما لبستش أبيض ولا حتى عملت خطوبة، لكن إحنا أول ما أتجوزنا كنا مقررين نعمل كتب الكتاب وبعدين نعمل فرح.
وتابعت: وأنا أساسا مش مع أني أعمل فرح كبير ضخم عملنا كتب الكتاب بعدها بدأنا نتلكم هنحجز امتى القاعة لكن كل مرة كان بيحصل مشكلة بيني وبين محمود، لكن إن شاء الله لو لينا نصيب مع بعض هنعمل فرح أكيد نفسي أفرح وألبس فستان.
من ناحية أخرى، تحدثت منة عرفة، عن أسباب رفضها التلامس في الأعمال الفنية أو تقديم المشاهد الجريئة، موضحة: المبدأ واحد عشان بس الناس تفهم أنا ما كنتش بقدم ده ولما أتجوزت محمود بقيت محترمة أنا ضد ده من البداية ممكن أتفرج عليه لكن مش حابة أقدمه.
كما صرحت بأن قرار انفصالها عن زوجها لم يكن بإجبار من أحد، قائلة: محدش يقدر يجبرني أبعد عن جوزي أو يخليني معاه، أنا بحبه جدًا وبكن له كل الحاجات الحلوة، الفكرة في شوية حاجات بنتفق عليها لو ربنا يسرها لينا ومشينا فيها نكمل ليه ما نكملش، لو حصل عكس ده كل واحد هيكون بيضر أكتر ما بينفع.
