الاختيار 3.. السيسي يرد على تهديدات الشاطر: اللي هيرفع السلاح في وش الجيش هشيله من فوق وش الأرض
عرضت الحلقة 26 من مسلسل الاختيار 3، لقاءً، بين الفريق أول عبد الفتاح السيسي وزير الدفاع، وخيرت الشاطر وسعد الكتاتني.
السيسي يرد على تهديدات الشاطر
وخلال اللقاء، وجه خيرت الشاطر، تهديدا للسيسي، قائلًا: إحنا أقوياء، ونستطيع فرض السيطرة، وشباب الجماعة على الاستعداد للشهادة، ولذلك مش عاوزين صدام مع الجيش، إحنا مش عاوزين صدام مع الجيش، البيانات اللي عمالة تطلع؛ بتشعلل مشاعر الناس، لو تصورك إن الإخوان مايقدروش يواجهوا الجيش؛ ده وهم.
بينما رد السيسي منفعلا: إنتوا خربتوا البلد وضيعتوها، قسما بالله، اللي هيرفع السلاح في وش الجيش في البلد دي؛ هشيله من فوق وش الأرض، إوعى تفتكر إن الجيش ده اللي بتشوفه في الشارع، لأ، ده الجيش ده حاجة كبيرة، أكبر من خيالك، ويطوَّق البلد كلها خلال ساعات.
ويشار إلى أن الحلقة الخامسة والعشرون من مسلسل الاختيار، عرضت تسريبا جديدا لخيرت الشاطر، نائب المرشد في جماعة الإخوان الإرهابية.
وقال الشاطر خلال التسريب: القنوات الفضائية الرئيسية مملوكة لعدد من رجال الأعمال، وحضرتك تعرف أكتر مني لإن دول استفادوا من النظام السابق أكتر من أي حد، وأنا مقتنع إنهم ليسوا أصحاب مصلحة في استقرار البلد، وإن من مصلحتهم إن الأمور تمشي في اتجاه الفوضى وعدم استقرار أوضاع البلد؛ لأن هما ممكن ملفاتهم تتفتح، فللأسف مع الانفتاح اللي حصل؛ الإعلام ده شغال.
ويحظى مسلسل الاختيار في الجزء الثالث منه الذي يعرض هذا العام، بنسب مشاهدة عالية من الجمهور المصري، والعربي؛ بسبب الأحداث التي يتعرض لها، والتي تمثل مرحلة زمنية فارقة في التاريخ المصري، إذ يتناول فترة تولي جماعة الإخوان للحكم، والمخططات التي دبرتها ضد مؤسسات الدولة المصرية، بما فيها الجيش والشرطة والقضاء، حيث سعت الجماعة إلى إحلال عدد من القضاة التابعين لها، في المناصب القيادية بجهاز القضاء.
