بشرى: عايزة محمد رمضان ينسى الناس الوحشة في الوسط الفني.. ولا توجد أزمات تجمعنا
كشفت الفنانة بشرى، حقيقة أزمتها مع الفنان محمد رمضان، بعد تعليقها الأخير على أغنية بلالين الذي طرحها مؤخرًا، موضحةً أن عالم الراب لا بد أن يكون فيه شد وجذب.
وقالت بشرى خلال لقائها ببرنامج ET بالعربي، إنه لا توجد أزمات بينها وبين محمد رمضان فهو صديق مقرب، معلقة: مفيش أزمات، هو عالم الراب كده في أخذ وعطاء وشد وجذب طول الوقت أنما الصداقة في الحياة موجودة، وأنا أعلنت قريب إن محمد رمضان كان هيشهد على زواجي، الفن حاجة والصداقة اللي بيننا حاجة تانية.
وتابعت بشرى: مش لازم تبقى الخناقة قدام الشاشة هي هي تبقى وراء الكاميرا، دايمًا بقول لمحمد رمضان خف علينا كل مرة تطلع تزعق فينا وتقول يا منفوخين يا بلالين وأنا ملك ومين فيكم مشترك فقلت ليه يخف علينا شوية، أنا عايزة محمد رمضان يطلع يدلعنا ويغني للحياة والحب وينسى الناس الوحشة في الوسط ويغني بقى للناس الحلوة.
وعن تفاصيل أغنية كورة كفر، قالت بشرى: مش مهتمة بصراحة إن أعمل أغنية كورة كفر ممكن أقدم أغاني لون تاني، مش لازم أغاني كلها خانقات.
أغنية بلالين
وعلق محمد مضان، مؤخرًا على تعليق بشرى، بشأن أغنية بلالين حيث قالت له: خف علينا شوية، ورد الأخيرعبر حسابه بموقع التواصل الاجتماعي فيس بوك، ووضع في الخلفية أغنية بلالين، معلقًا: فهمتي؟.
