إبراهيم عيسى: مفيش عذاب قبر لأن ربنا هيحاسبنا مرة واحدة
قال الكاتب الصحفي إبراهيم عيسى، إن رأيه أنه لا وجود لعذاب القبر بناء على الأفهام والقراءات التي أطلع عليها.
وقال عيسى في حوار القاهرة 24: تناقشنا أنا ووالدي في مسألة عذاب القبر، ورأى والدي كان كما كثيرين يرون أن هناك عذاب في القبر، وأنا أرى إن مفيش عذاب في القبر، وأنا مكون الرأي ده بناء على ما قرأته وأفهام كثيرة من المفسرين.. قلت له يا والدي ربنا هيحاسبنا يوم الحساب وإحنا يوم الحساب هنصحى مفزوعين مرعوبين من الحديث العظيم، لكن لو أنا واخد قلمين في القبر هعرف أنا إيه، ورايح لفين وإزاي هيحاسبنا مرتين.
وأضاف: إزاي نعذب أو نكافأ قبل الحساب ومفيش في القرآن ولا في سنة حاجة زي كدا، بالمنطق ربنا العدل هيعاقبك قبل ما يحاسبك.. وفي الآخر والدي قال لي عذاب القبر ده زي ما تكون داخل القسم حد اداك قلمين.. ده ممكن يحصل في القسم لكن فوق لأ.
إبراهيم عيسى وعذاب القبر
وحول أزماته مع والده بسبب القضايا الدينية التي كان يثيرها قال عيسى: لا، لم يحدث، هو عاتبني مرة وأنا صغير اعتبرها إباحية في رواية العراة، وأنا برضو عملت كتاب تاني اسمه الجنس وعلماء الإسلام، وأن في سورة يوسف هناك ما هو أكبر بكثير جدا، من واحد حضن واحدة أو باسها في الرواية، والكتاب ده من الكتب اللي بعتز بيها جدا، واستعرضت فيه عدد من النماذج من بينها الإمام جلال السيوطي والألف والآفة.
